今日十二點幾就起身返工,起身個頭有dd痛....好似好攰咁!!!!
返到去先知道其中一部收銀機壞左,唉,當時我心諗:咁您地就唔好叫我返啦,等我山長水又遠咁死過黎天水圍,又攰到死....返黎只係幫手入下袋,hea下咁~~不過之後其中有個同事叫左我幫佢收,咁先至有d野做下,都唔係太忙~~一直做到八點先收工!!!

頭先返工發左陣白日夢:有時覺得自己好似俾人遺棄咁,朋友又係,屋企人又係,由其係屋企人.....唔通自己一d價值都冇???日日返到屋企,感覺都不太好.....不過偶然約下朋友出黎食飯吹水都不失為一件樂事,只係自己有時諗得太多,放大左一d人地覺得好細既問題咁姐....

好多野想做,好想做好自己既野!!!

今日六點去左跳舞,可能之前冇返2堂,都有d跟唔到....不過唔緊要,我就算返足都唔會跟得到架喇,d歐巴桑咁勁.....

之後跳完就約左da,mo,togo,介佢地食飯,臨食飯前我地仲去左決戰....<太鼓>,哈哈~~玩完我地就去左漢陽苑食韓國燒烤,都幾好味~~大家都飲左唔少酒....自己雖然飲左唔多,亦都冇醉,但就勁眼訓,將我d攰一次過迫哂出黎咁//....shit

食完之後,十一點幾我地又去左市鎮公園hea....吹下水,鋤下dee咁...大家傾到2點幾先返home...
聽日又要返工....好在返2:30~~

返工...........好死攰

加上尋日做埋瑜珈...條腿已經唔屬於自己....條根拉得好勁!!!

今日返工都係果個字...攰....由幾時開始,自己會變左收銀既主力架?!!?!?!唔好傻啦~~

不過今日又再一次正負零了,呵呵~~

飄飄今日都不禁要同我講左一聲: Hidy,您好勁啊~點解可以成日正負零架?!?!

真係冇計~~~~~~~~~~~~~~~~~~

今日返工時見到有個男仔個look超似電車男的....見到佢真係差d忍唔到笑...Shit