事但打d野先,費事俾人話懶啦~哈哈

依幾日都幾無聊,不過聽日就忙d,因為聽日將會有4份工去見,但我只係選擇左3份....因為果一份係o係觀塘的...

今日不停勁send email出去,哈哈~有d好快就打電話黎叫我去in喇~希望今次得啦..........因為如果升到既話,只係剩返一個月時間可以去返工咋.....

今日一早起身出去油塘interview,但返工就o係屯門返,點知落到街先發覺自己原來冇帶傘,但又見冇落雨,so冇返上去拎傘....約左十點半,但我十點已經到左,不過就蕩失路囉,唔知去左邊...而且又落好大雨囉....變左落湯雞....勁狼狽...shit......去到搵左一座同我搵果座個名一模一樣既大廈,但入面好恐怖,d門係鎖哂,d lift又舊...之後問人先知行錯哂路!!!搵到間野都十點三十三分lu~~in完我既直覺話我知唔得囉....因為佢問我好少問題咋....唉...冇行喇....

之後又搭錯車,去左唔知邊度...唉,today真係黑~~~好辛苦先搵到個巴士站,點知亞爸打電話黎話佢車埋我,佢終於都的起左心肝換車了....但又冇咩特別興奮既感覺,只係有D衝動快d去學車,但次次都係得個講字....返到黎都係一點鐘到,一直hea,又睇埋<康熙來了>,笑死我了....小s真係一個名副其實既諧星...哈哈

8月8號就re-exam了,好似咩都未準備好咁...見人地可以去cc交成績表d感覺不太好受,唉,怪就怪自己o係英文依科太冇放心機落去喇...如果re-exam左都係肥,咁點好呢?但自己又好想讀ad...要加油喇...不要再hea落去了....

聽日原來基仔有分唇,但o係將軍澳啊...都唔知去唔去好,但個admin留左飛俾我,如果今次又唔去既話,好似好衰咁,不過自己又未必起到身喎,點好呢?! ...星期一又有得去interview文員了~yeah^^我實在有太多經驗了,就係面試經驗喇....哈哈~~一陣間去返瑜珈班,好野~~~~

今日開始又要開始再搵工lu...因為我尋晚已經辭左職...依份工真係好辛苦,又學唔到野,佢地又唔肯教我野,但如果自己去做既話,有錯就鬧到我狗血淋頭....都低能架...個八婆又唔知仲咩,成鬼日對住我都黑面....真係有病....咁多人死唔見您死....食屎大架!!!

尋日返到home同加姐o係度傾依個問題,傾左好耐....但有一件事係我非常之擔心的...但今日未起身已經兌現左了!!!

其實我覺得依d時候,係最需要人地support既時候,但我唔明,點解最親既人反而會覺得我咁做係唔岩呢???再辛苦既工我都做過,果時返工,日日未天光就起身返工,到太陽落山先返屋企....我都捱過啦....我唔係怕辛苦,而係d人真係好難頂,日日都係做埋d咩''歡迎光臨,隨便睇''or''bye bye多謝哂''咁,冇錯,我返左一個星期,依個星期既工作都係咁...由開鋪企到收工,五個鐘頭先飲一啖水...好多野您唔係自己親自經歷過您係唔會明白既,人地只會覺得您咁少事都唔捱得等等咁....點解一知道左我唔做就問都冇問就發我脾氣?好唔開心,由細到大都係咁...有d咩事都即刻黑哂口面,試過有一次,我地可以成個月都冇講野...哈哈,係咪好有問題呢?如果好既時候,真係好好既,但佢一黑起面上黎,真係好難受,佢永遠都會同人講我地點唔好,佢永遠都只會企o係佢自己既角度睇我地既野...

有一排曾經覺得自己有d神經衰弱,每日起身都會好驚佢又唔知會因為咩事而黑我面,而且又唔知佢會黑到幾時.....真係好唔開心....我相信依幾日都會係咁架喇....不過都慣哂喇,只係唔知今次會持續到幾時咁姐...
另外今日去左報瑜珈班,聽日上堂,希望可以減下壓啦....聽日一早出去INTERVIEW...希望成功吧