尋日同peggie講左d秘密野...不過唔知點解...自己心情有d忐忑...點算~~

仲有尋日實惠個經理亞娟打電話黎問我返唔返工,我話我而家已經返緊一份文職啊,於是佢問我星期六,日返唔返得....諗左一諗,決定博到盡,賺到幾多得幾多喇~哈哈,於是應承左,但可惜唔係返安定,係返天水圍....仲要係忠少果間.....都唔知係好定唔好喇,因為天水圍話近唔近,話遠又唔遠咁....由屋企去都要轉幾次車....唉...仲要今日o係度諗返先記得,我係逢星期六學瑜珈的!!oh my god....不過最緊要既係,唔知我既人工仲會唔會同以前一樣呢?!呵呵~~~

講返今日,照常返工,但係超眼訓囉....不過好幸運地,我返到公司先落雨,so冇被淋濕而且一直都keep住有d野做,但最慘既係好似永遠都係臨收工先一次過好多野做咁....so都要攪到差不多八點先走....不過今日都有少少好轉,就係尋日打黎令到我滕哂雞既鬼佬又打黎,但今日我至少冷靜dd,冇尋日咁激動,而且都開始估到佢想講咩喇....不過....同佢講左一陣,佢都係叫左個講廣東話既黎同我講....唉....
咁又一day喇~~星期六返嶺南聽什麼講座...唔知可唔可以同到亞da睇戲呢....

**o係依度要恭喜亞彤o係會考都算係拎到好成績!!
P.S. 已經好好架喇~至少有5科合格呀,Right~~

今日訓到兩點幾,冇去到聽個講座,條友係咁打黎叫我去.....嘈住哂....攪到我冇覺好訓...如果唔係,可以仲訓晏d.....
約左亞da,介,肥溫,mo去睇戲,七點去到凱都買飛...睇我想睇,由基仔配音既<露寶冶的世界>,幾好睇,好好笑....基仔配音配得真係唔錯~~

之後睇完九點幾,決定去華都燉奶佬搵togo,順便食埋飯....大家吹下水,坐到十點幾先走,之後就搭車返去lu~~

頭先我地o係度傾下一齊攪年宵攤檔依個計劃,但晏晝同亞da講既,亞mo佢地話會好貴....唉...再諗下其他先得.....
聽日十一點就返去re-exam喇......死期到!!

Today返工....返到去知道老細上左大陸,而另一個同事就請左假,so得返我同另一位同事o係公司....都冇野做既,只係幫個同事打左封contract就上下網睇下d新聞,check下email咁,之後連我既同事都冇野做,我就提議不如o係msn play game啦...哈哈~但由於公司既電腦實在太慢,so個同事就拎左副啤牌出黎鋤dee喇~哈哈~~超好笑~哈~

玩到一點準備收工之際,d電話就係咁響,麻鬼煩,之前玩果時又冇人打黎,阻住我收工.....跟住打埋俾老細請星期一既假就收工走人lu~~搵左加姐and亞儀一齊去食米線,行左陣就返home了~

因為實在太眼訓既關係,so我去左訓晏覺,自從上左瑜珈後,自己至少識得點樣去將個人relax....幾好~訓到差不多七點就去上瑜珈lu~~剛剛返黎,沖完涼,感覺幾好啊~~哈哈
依排自己成日都覺得好似好寂寞咁.....