唉,又係早起身,九點幾起身,十二點要出去灣仔second in....討厭..依幾日都咁死早...去到只係做左個問卷,係關於佢間野既問題,之後就入去interview,重以為要講d咩添,入到去佢已經即刻講o係邊度返工同講強積金果d野。十八號要去training兩日,之後正式返工....至於人工方面,雖然係比起我上次做果份多,但講真,唔係咁想返依份工....唉....但又未搵到其他喎....

之後就過返去尖沙咀等埋加姐收工一齊去行街,去左信和,buy左隻碟,覺得自己有病,竟然用錢買第二個歌手既DVD都唔買基仔最新concert DVD....之後就開始自我安慰自己: 可能因為我之前已經買左隻基仔既CD啦,而且之前又睇左幾次依個Concert....不過我遲d一定會買返架,一定一定一定~~

之後就去食野順便買埋飛睇<頭文字D>,睇四點果場~~我覺得幾好睇啊(哈哈,重咩最近睇親D戲都覺得唔錯既...),睇完覺得周杰倫雖然唔靚仔,但我就覺得佢幾得意,cute喇,哈哈,係呀,得意~以前對佢都冇咩感覺,唔like亦都唔討厭囉,但因為佢個怕羞樣好攪笑,又講d唔正既廣東話喎(唔知係咪佢自己配返呢),so我就覺得佢好得意喇~哈哈哈哈哈哈~~

睇完行左陣買左d野就去觀塘食飯,好多人去,因為今日幫亞嫲做生日,三伯父亦都o係台灣返左黎~~哈哈,佢重幫我買左好大包既鴨舌啊 ~~yeah~食到九點幾就搭車返黎lu~

大伯父,亞嫲 and 剛剛由台灣返黎既三伯父

一早七點幾起身,約左亞da and 肥溫一齊去沙田見工...我地九點幾去到,因為個招聘會十點先開始,但排隊排到出去出面....,

去到個個都著哂suit,好彩我地都著左姐....而我地個籌係三百二十幾,仲要係一點先返去interview,果時先得果十點幾....so我地去行IKEA,都行左一個鐘,因為都唔知有邊度好去....之後食埋野就返去lu,但都未到,so我地去左準備下,諗下佢會講d咩咁,不過都係吹水同講笑多....兩點到就到我地喇,唉,不過in我個女人好衰囉....討厭....

in完我地都覺得唔得架喇,而且咁多人,係都未輪到我地啦.....我地之後去左新城市廣場行,再去左飲野and 食cake ~~好好笑囉我地未入去間cafe時,仲諗緊入唔入去既時候,突然聽/見到個經理o係我地面前成個仆左o係個咖啡機到,仲要倒哂d成碟咖啡粉....我地係睇哂成個過程囉,亞da就啞左,肥溫就係到係咁嘩,嘩,嘩.....而我就已經笑死左.....真係好好笑....之後一見到個經理都忍唔住笑....哈哈~~食完行左陣就搭車走lu~~

我既未來大計已經幫自己鋪好左lu,希望可以朝住依個目標邁進,向住我既夢想進發,yeah~~

今日出左去見工,但出到去落狗屎囉...之後我地去左食cake~不過都唔好味既,食完一d滿足既感覺都冇,之前o係朗豪坊食果個好味d,而且食完有happy既感覺架~(冇誇大的)但今次食完一d感覺都冇囉,而且仲要係同食一個普通既cake冇分別...唉,枉佢仲set咁貴既價錢,唔知仲咩,之前o係台灣又係食果d冬甩,好味到爆,食一啖真係有幸福既感覺架....

唉,頭先買左本雜誌,佢話基仔秘密結婚...不過我知道係假既係假既 ....冇可能的...我不嬲都只可以接受到佢同個助手拍拖,如果話結婚的話就真係.....唉.....

聽日要一早起身......剛剛又轉左BG Music,係近期好鍾意聽既<葡萄成熟時>~yeah