今日都成一點先起身,冇食lunch就出去吉之島入數,因為今日係deadline....

唉,真係發覺自己做野永遠都係唔等到最尾果刻,都唔捨得去做,明明一早已經知道今日係deadline,之前日日o係屋企hea,就算出街都唔去入,而今日就要趕頭趕命咁仆去交...死唔死....次次都係咁...做功課又係咁,咩都係咁,真失敗~一d planning都冇.....唉....

出到去,首先去左中旅社攪埋保險d 野,等埋亞da就一齊去東亞入數,好彩效率都幾快~之後亞da要去interview,so我自己去嶺南交入數紙,但出面落好大雨囉....有傘都濕呀....

之後交完就搭返車去碼頭,原先打算幫沚齊報埋d興趣班先,點知又話要佢自己親自去,我咪話囉,佢得四歲咋喎,都要佢做會員呀?但佢就話一定要,麻x煩,之前果間都唔駛既...而家又要行多次.....

之後買左d野就返屋企lu,返到去叫沚齊幫我o係張紙簽個名,

沚齊：下，我唔識簽架喎，我學校未學啊．．．

我：咁英文名呢？

沚齊 (已經開始忟)：都話未學咯，唔識呀．．．．

於是我叫佢：咁您求其畫個公仔落去啦！

點知佢就話左隻蝸牛落去，超好笑，哈哈哈哈~~

如果到時叫佢簽名佢話畫隻咁既野,再加上佢咁火爆既性格,到時一定笑死我囉~keke...

唉,而家晚晚都三,四點先訓,好想返工呀...過返d正常既日子....

今日十一點幾起身,因為同亞介佢地去唱K,不過已經係遲左去架喇....十二點半先到Greenbox,我地唱到二點幾,但出面落好大雨,原定今日既BBQ都取消左lu....但我地都等下睇下佢地會唔會改變主意,so我地去左睇戲~~~原先打算睇<下妻物語>的,不過屯門幾間都冇得睇,so我地決定睇<強戰世界>~~
 

未開場前o係m記hea左好耐囉.....之後四點就入場睇lu~~我覺得套戲幾好睇,個小朋友做得好好,叫得好高音,哈哈~而且有幾幕,唔知自己仲咩,睇到眼濕濕 ....因為個小朋友太慘了....咁細個就遇到依d事.....好在做戲姐,如果係真的話,我相信我未必會係去逃走果d人,因為好怕俾人捉到果刻,好驚的~記得之前都講過,如果依個世界上大部分人都變哂喪屍的話,我會選擇自殺死左去,因為唔想俾d核突喪屍追殺,又咬又剩,無比核突啊......最後雖然套戲個結局ma ma地,但總算大團圓冇事....哈哈~~成套戲總括黎講都不錯~~yeah~~

之後睇完出黎見到個天非常晴朗囉 ~亞介佢又打算再約返d人出黎bbq,不過相信應該冇人出架喇,so放棄左,而且夜晚亦都可能會再落雨ma!!

之後我同亞da就同亞介肥溫say bye了,因為我要去買我既<希望>~~~yeah~~同亞da去左MISSHA and Laneige,buy左d希望返home~~MISSHA好抵啊~~不過唔知好唔好用呢 ....而我就入返枝Laneige既Water Bank...一直都想買返,因為就黎用哂lu ~~買完就返home了~

今日雖然去唔到BBQ,改做下星期!!!不過我就買到野(希望)啊 ~~呵呵

  Tom Cruise and 可愛小朋友

返黎幾日,都唔係好願執野,個喼仲放o係廳度.....但係d手信都差不多分哂了~返黎第二日就拎左d水蜜桃出去俾亞女麻~不過佢又入左醫院...... 唉,原來我d黑仔係未完的,因為我地成家一齊出去探亞女麻時,亞爸架車突然死火.....唉.....真係好黑仔

而尋日亞da就陪我出去上環去港龍度睇下有冇得cam錢....點知係可以架~不過要俾$400手續費~不過果$400又可以o係保險公司cam返~太好了 ~希望我d衰運快d離我而去啦......

之後同亞da去左朗豪坊,好好笑,我地o係朗豪坊係咁講普通話....d人真係以為我地係遊客,我地去到一間cafe,d人仲用返普通話同我地講....而我地又扮聽唔明廣東話喎,哈哈,之後個經理走黎同我地講,用普通話問我地o係邊度黎,黎左幾多日呀,可唔可以做問卷呀咁....又請我地食冬甩~真係好好笑~~咁都呃到人.... 哈哈~都唔係好衰姐~~keke

之後五點幾就走lu~~好happy啊today~~~

而家係半夜的3:20分,終於post好d相了~~好Q攰....終於可以訓了~

http://hk.pg.photos.yahoo.com/ph/hidyloveleo/my_photos