今日熱死人喇....但我地去左蝴蝶灣BBQ囉,因為Billy(比利)話請喎~~我六點幾就搵亞介去霸爐,但超少人囉,唔駛霸都有8-9個o係我地左近...七點半到d人先到齊,透埋爐九點先燒得,今次BBQ好多人去,相信都有二十人以上,都幾好玩,因為主要都係大家吹水,哈哈~

不過之後發生左一件不太開心既事...當大家都燒得7788時,幫手BUY野食既人就開始計返條數,打算問比利拎返錢,點知因為有部分係冇單開的,比利佢竟然話冇單冇得俾...而且條數計黎計去都唔岩,攪到大家都好忟....之後佢地買野食果d人只可以拎返原價既75折既錢.....仲要最後我地每人仲要拎返20蚊出黎夾返....仲要比利袋,佢話下次拎成績表時先再計...雖然唔$20唔多,不過之前又話請,但到最尾等於自己夾,仲話今次係籃球比賽慶功,唉....雖然我冇份buy野食,但我覺得好衰囉....之後我地爭取左d時間鋤左幾鋪dee,大約十二點就離開,我地十幾個人坐亞mo and焜哥架車去左新墟食糖水....大家吹水吹到差不多兩點就返去lu~

聽日、後日又去見工喇....yeah~~~

P.S.仲有件開心事,就係比利頭先BBQ話我物流同IBO都合格啊...希望佢冇記錯啦....不枉我背到死下死下...

幾日都冇打日記喇,唉,依幾日既生活真係日夜顛倒咁滯,因為差不多晚晚都係o係屋企煲碟,日日都睇到差不多天光先訓....但又早起身喎,唉...不過上次o係台灣買返黎果套碟都只係睇左一半,但幾好睇...不過我都係主要睇download左成套既<靚太唔易做>,哈哈,真係幾好睇啊,好好笑~~~~
 

不過依幾日都唔係太happy,因為波波媽咪早幾日同我地講,話波波九月要返學,八月就會走了,so佢唔會再黎我地屋企了....唉...雖然依d係遲早既事,但真係冇諗過咁快....唉唉唉唉唉唉唉唉~~~~~~~~~~由佢未出世,佢亞媽話想要bb時,到而家成日博咀既波波,睇住一個bb慢慢咁長大,真係好開心。佢and 沚齊都帶左好多歡樂俾我地home~要開始慢慢適應喇...有時真係諗下諗都想喊....

今日訓到兩點幾...．．起身一直hea....hea到食飯...超無聊囉....希望下星期見工見得成啦....唉...

又踏入另一個月了，依個月過得超快．．．話咁快２００５年就過左半年ｌｕ。

時間真係過得好快啊，踏入七月既第一日，俾我發現左d野,又決定左一d野,但要真係去實行就真係有d難度囉.....要好大既勇氣的...我真係好怕怕....但如果遲左去實行的話，我又怕會唔係咁好，怕會影響好大 ．．．唉，好煩惱啊．．我而家最需要既係勇氣啊，哈哈，仲有ｍｏｎｅｙ呀．．ｈｅｌｐ　ｍｅ