唉,溫Ibo.....由尋晚到而家,冇訓過~7點就o係張床度起身,打算同亞媽去食個早餐先返去考.....但唔知仲咩成晚個胃都好辛苦,係咁打咳...又想嘔咁,絕對係因為個杯咖啡同埋食扒王既關係啦....食左件壽司就去搭車lu,諗住食左野會有野嘔,但都只係嘔黃膽水~

之後十點鐘就返到去lu~係咁背係咁背,好多野都記唔入腦...都預左死...不過我都盡左自己最後既努力去溫~~~~之後一開考,睇到份卷,將記得果d都做哂先..不過又出奇地,自己long Qs可以記到八成囉~~哈哈~而由於我冇點溫Short Qs,只係睇左dd~ so 大部分都係自己吹水多~~之後做到夠鐘先交卷,不過中間做卷既時候真係好眼訓, 咩都諗唔到囉,so訓左一陣~~keke~仲有發夢添啊....

因為今日唔駛考試,所以訓到一點。起身食左個凍既早晨全餐,就開始hea lu~hea到三點就開始溫Ibo,好多野要背,睇黎今晚又要通頂!

之後夜晚成家人出左去食飯,食完去行左一陣街,買左件衫....不過o係買衫既途中唔係咁開心,所以就提議返屋企....唉~唔知點解,好down.....覺得自己好死冇用....
考埋聽日個Pre-AD就完哂喇,不過有點兒迷茫~~ ~~聽日去整返直d頭髮lu~~~希望冇問題啦!

不過今日都有件開心and 唔開心既事.......就係晏晝fan club打電話黎,話基仔星期日有Function啊~o係奧海城~好野~ 雖然佢亦都同我講左個照相會confirm左25號,而且會有飛拎....唉.....不過算吧啦,考完試要爭取機會去多d~大小function通通都去~~yeah yeah yeah~~彌補下25號都好呀ma....

尋日又再次四點幾先訓,依個星期真係將自己推到極限,對住咁多tips,真係好矛盾....

今日返去考Icem,十一點半要返去Lab考其中一份卷先,就係整網頁喇~~一開始都好有信心的,因為都幾easy,但當剩返最後既幾分鐘,打算save既時候,先發現save左之後,開返黎睇係冇左兩幅圖囉,於是睇下有咩辦法啦,但都夠鐘喇...唉...於是我求其save左俾佢,連個File名都唔記得改返...PK...

之後Lunch就係咁溫Icem既筆試,食完就返去考lu~份卷都ok易,因為好多mc,一睇已經知個答案係咩囉,多謝亞sir~而short Qs我相信冇問題,因為出四條,有三條半都背哂 ~但definition果part就冇咩點溫囉,希望拉到分啦~~之後考完就上左勞工處交Form, 交完就同亞da行左一陣,又去左商務睇書~~之後就返屋企lu~

原本都打算溫定星期五既最後一科Ibo,但自己成晚又走左去睇台灣d野.....死得...唯有今晚夜d訓啦,不過我好清楚自己,唔到臨考既一日,我都係唔會願去溫...而且重要係晏晝都溫唔到,要半夜先溫到囉...Shit....

星期五約左亞da考完試上23樓整頭髮啊~~好快就考完lu,希望o係星期五之前自己仲未攰死啦....