今日又係去左亞介度做物流...去到就開始不停咁幫d發泡膠上色,好似d工廠女工咁...不停咁油,好攪笑囉...之後攪到九點先返屋企...但隻手就慘喇,因為d顏料好難先洗得甩...救命 ..卒到我死死下....不過我走時個模型都做到7788咁啦...希望冇問題吧~~^^

聽日仲要一早去亞介度搬模型....因為九點就要返去present....早d訓喇要..唔講咁多lu~

早抖喇各位~~~~~~~~~~~~~

今日要返去interview...約左da and mo 十點o係m記等~因為要拎Tips...唉~佢地話好難囉,因為亞Lynn佢唔係跟住之前派果張問題紙問,而係亂咁問...唉....好鬼死驚呀~~

跟住上到去,等左一陣就到我喇...一坐低,佢就一口氣問左我幾條問題,我聽得明佢問咩,但自己就唔知自己講咩囉...之後好記得佢有問我既強項啦,介紹下自己啦,又問我平時多數做d咩啦,又問我o係之前既公司學到d咩,有咩angry既事,同埋問我如果學校既老師如果談論我的話,多數會話我d咩等等啦~仲有幾個,但都唔係好記得喇~~~~~超驚囉,又好窒...死左一大半咁啦....

不過最攪笑既係佢問我o係之前既公司有咩angry事既時候,我就話自己冇遇過咩angry事囉,因為我好enjoy依份工,而且我好鍾意同人溝通等等咁...哈哈~我覺得依度係自己講得最流利最滿意既一part囉~哈哈,而且覺得自己都好鬼假囉~~~~

之後in完就走喇,但好不幸地,出面落超大雨囉~點解每次我著suit果日都落雨架~激死~仲要一上到車就停雨囉,正PK黎架....

跟住食埋野,打算過亞介度一齊做物流,但見未人齊,So遲D先過去...點知等等下訓著左....訓到三點幾先過去....哈哈~~~之後做到七點就返歸lu....

今日十二點幾就起身lu,因為要去亞介屋企度做物流project~食埋野成兩點先過去~實質整野既時間並唔多,因為佢地o係度打機 ~~~

之後Jenny,亞mo佢地買左d料返黎就開始整~我地用d 類似廣告彩既野將我地既'貨櫃'上色~~我地油到差不多七點先攪掂,攪到成隻手都係,超難洗囉~~聽日再繼續~因為星期三要交lu~

聽日一早就要返去interview喇~~好驚呀~不過頭先都準備左少少既資料既...

幸運之神聽日要眷顧我呀!唔該哂啊~