last day~
今日我地十一點幾起身,因為十二點要check out了~~留左d行李o係酒店先出去行,打算行完先返黎拎~等埋亞da既朋友黎,我地就出發了,去西門町食意粉~我覺得好好味啊,不過杯野飲好x酸囉....食完就四圍去buy野,又buy<黑橋牌香腸>,又到<老天錄>buy鴨舌etc...

嘩,西門町星期六真係多人好多,而且仲有歌星果d live show~出名少少既有溫嵐啊~~之後我地buy完野,就去左一間cafe飲野~~hea到四點就行返酒店lu~

不幸既事情終於發生o係我身上,就係當每個人拎哂佢地既機票出黎既時候,我先發現....我果張係唔見左的....搵左好耐都冇...之前約果個Benz司機,於是就好好人咁幫我打電話去港龍問,又四圍幫我問....而亞da的朋友亦都好好人,又幫我搵~~~之後個司機見我地仲有時間,車左我地去機場附近,佢朋友既鋪頭俾我開喼搵...不過都係冇...

於是就去機場港龍既counter問....點知佢又話冇得補票,so就去左buy一張新的....要成八千幾蚊台幣....於是亞mo佢就拎佢張credit card出黎碌黎buy機票...好在有佢咋...如果唔係,都返唔到黎.......而果邊長榮既空姐又教我返hk點cam錢....唉,點解台灣人咁好 .....之後我地同亞da朋友say bye之後就入閘了~原定八點三十五分班機delay左,到九點半先上到機,十點先起飛~~~再見了台灣~~~!~

o係飛機上面,隻耳仔竟然冇痛喎,超好~~返到黎hk,拎埋行李已經十二點lu~好在又有亞mo既媽媽揸車黎接我地~~好好人~~thanks~返到home都係十二點幾~~媽媽and爸爸仲遲過我先返,因為佢地去左睇concert啊~d野留返聽日先執了~同加姐傾到四點幾先訓~~哈哈~~~

好攰,渡過了驚險的一天~亦為我地既trip劃上一個唔完美既句號...........唉

今日我地成十二點幾先起身,於是我地就拿拿臨換衫,因為亞da約了她的朋友~我地去左凱撒下面既地下街食野,一間叫<魔法咖哩>的店,但d咖哩好甜啊~~之後冇耐就同亞da and她的朋友分道揚鑣了~因為我,togo and mo要去<光華商場>,so.....去到第一時間睇下d碟,之後就同亞mo佢睇電腦野,應該係我同togo陪佢睇電腦至真,之後亞mo最後係用左台幣$4000買左佢想要既野~一Q清袋~~oh~

之後我就再睇下d碟,最後都決定buy套<原味之夏天>既vcd,唔知好冇睇呢,因為我想買果d,佢全部都話冇....激死了....之後我地又搭的士去返西門町,因為我要搵三伯父。點知又俾我地撞到亞da and她的朋友~命中注定我地要一齊逛啊~呵呵~~買左d野俾三伯父,就去左佢間鋪搵佢,好在佢重認得我,哈哈~~不過佢就要我幫佢抬箱水蜜桃返hk俾亞女麻 (個喼已經爆到死架啦)......

之後我地就由西門町行返酒店了,hea左陣,又鋤左幾鋪dee先再出去~因為我約左connie,但未夠鐘,佢話帶我地去buy 鳳梨酥etc.....不過由於我唔記得約左connie o係邊度等,於是唯有等佢打俾我啦.....不過o係我地等佢期間,就決定去排隊buy 冬甩食,因為係好多人排,而且我記得之前去日本,我係食過的!!!!好好味~~~~~排左30mins先buy到,我buy果三個都好好味~真係好正~間野叫<Mister Donut>~~

之後搵到connie之後,我地就去左忠孝xx站(已經忘記了)buy 鳳梨酥etc....之後佢又帶我地去<京華城>食野~個個d野都ok,係我果個差d囉,明明叫火鍋,點知俾哂錢先知火鍋原來係冇鍋的!!!!無奈 ~~~~食完connie又請我地食豆花,都ok架~~

之後行左陣,影左d相就趕捷運尾班車返酒店lu~~~~夜晚又玩大富翁and 鋤dee先sleep~~~哈哈

八點幾起身,亞mo已經霸左個溫泉黎浸了~~之後我地吃埋早餐,我同亞da都作最後衝刺,浸多一round~之後十二點就check out了~好唔捨得,因為水美實在太正了~

之後我地就出發到天母行~打算搵下有冇d second hand既鋪頭,但最後都係搵唔到的~不過我同亞da就o係天母既誠品買左幾本書~平過hk架~我buy左兩本幾米~而亞da佢就幫她的妹妹買左5本書啊~~~~之後再join返亞mo and togo, 再吃埋個lunch再行~途徑一間levis既鋪頭,見佢d衫又幾靚喎,而且仲有八折,計返仲平過hk dd~都係百零蚊件~~yeah~~~之後我地行到一半,又落好大雨,成身濕哂囉.......跟住見天母冇咩野行,就搵下有冇車搭返去台北車站了~又比我地搵到,太好了~至少唔駛逐個捷運站搭返去啊~~上左巴士冇耐已經訓著左了 ~係個司機提我地我地先識落車~~~

之後返酒店check in返,再放低野,我又去左搵christine,因為佢做野既地方離我地間酒店實在太近了~~~之後我地就出發去西門町食野,食完又行左一陣~我地就去左饒河街夜市了~~不過d野食就同士林差不多~最後我地食左一碗<泉水豆花>,個老闆又係好好人的 ~~食完再行左一陣,就搭的士返酒店了~~~

又一day了~明天是free day~因為亞da約了她的台灣朋友啊~~