今日中秋節啦，好似冇咩特別咁，同平時一樣咁過啦，不過頭先同小白映左好多張相，佢好let擺pose啦，叫佢

唔陏佢就唔陏啦，好乖，好乖。懶下懶下又咁多日啦，咩都唔想做，今日仲好熱啦，玩埋蠟燭未熱.....一陣諗住執書

枱，仲熱啦。

　　好多功課，又要溫書，都唔知做得邊樣呀。

　　今日去左睇醫生，一開學就病.....無奈啦，我睇醫生係響石硤尾，去到果度又諗翻起婆婆，好唔開心.......

    功課都未做完啦，好開心屋企多左幾個新成員，小軒、黑妹、金毛、老虎仔，頭兩隻係天竺鼠，後兩隻係

熊仔鼠，好可愛啦。

　　真係好耐好耐冇打過日記啦，好sad，婆婆響12號過左身，我咩都做唔到，見到媽咪喊我都幫唔到佢，今日去左婆婆屋企執返d野，真係好難受。唔講叱d啦，聲大夾準個表演終於完左啦，好開心啦，因為我覺得好成功啦，我一次都冇漏台詞啦，仲有都幾開心可以識到呢班隊友，佢地都幾好架，最好笑就係我地出場之前玩killer，終於有一次我做killer啦，我第一個殺左olay，因為佢企我隔離，我驚佢知我係killer，所以殺佢先啦，點知有人抬左頭，見到我係killer，冇得玩啦，後來知道個nurse救左我，救killer1啦，好鬼好玩，怯場都冇埋。

　　前日派左成績表啦，比以往都差，其實我都知點解嫁啦，我d數同econ咁差.....

　　尋日睇左三隻碟，三國、柴犬奇蹟物語同埋絕點緝兇，絕點緝兇好好睇啦，我睇

到廁所都唔敢去，因為漏左少少都唔得啦，漏左少少都會唔明佢講咩啦，柴犬奇蹟物

語同其他既動物片都差唔多啦，令人感動既戲種啦，都幾好睇，但三國就差左少少啦

，冇做到趙子龍打d咩好勁既仗。

　　落左咁多日雨之後，今日終於見到太陽啦，我今日唔多想起身，響

張床賴到十點，個頭好暈啦。我好唔想補課啦，諗起今個暑假都要補課

就覺得好煩啦．．．．．．好彩冇報到考笛咋，如果唔係都唔知點練啦

。