星期五個旅行無聊到咩咁，打牌打到乞眼訓，如果唔係吉威幫我攞牌我都唔知到我，返到屋企本來唸住訓覺，不過

開左電視就冇訓到。尋日應該係我去琴行嘅最後一日啦，有ｄ唔捨得，因為我四年級已經響果度學英文啦，買左五塊吉

他picks，之後應該去許sir屋企學。另外夜晚睇左死神又來了訓唔着，到一點幾先訓......依家有d眼訓，不過一陣應該會

出去。

　　金毛好似大左肚啦，所以要同老虎仔分開，見到佢地咁好似好慘啦，但係又唔可以唔分喎......小軒(天竺鼠)佢今日識

企響度食野啦，媽咪好開心咁叫左我去睇，但我覺得佢都係因為為食先企響度，so如果冇野食佢係唔會企啦。

P.S.小莊要記住你話過金毛生左你會要一隻架。

　　呢牌好似諗多左好多野咁，我覺得自己快癲啦.......我覺得如果just fd，可以talk a lot，但係一到某程度，就講唔到野.....算啦，都唔知自己想講咩。家姐話佢boy friend個friend對我有興趣，但我諗我以後都唔會再join我家姐去玩，因為佢簡直旁若無人，睇到佢地都有d尷尬，都唔知望唔望好，如果唔係媽咪話要跟住佢我先出得去，我......唉，尋日就可以早d訓.....我諗尋日都係當發左埸夢算啦。

　　我真係好驚Tammy拍拖啦，以佢有異性冇人性嘅性格分析，我同Amy嘅日子將會............好難過.....依家未開始已經講一句佢個心肝壞話都唔得啦，仲話之後.....返學真係煩，又再次同睡魔打敗仗，始終不敵....另外依家見到陳XX都怪怪地，好尷尬，最尷尬果次係張志堅大叫咩XXX叫你呀，無聊....鍾意過佢有罪咩，玩埋D無聊野.....冇人知未幾好，都過左去啦，都係OLAY衰。

　　　好嬲好嬲呀，我諗我遲早都會癲，佢響我溫書果時唱埋Ｄ音唔成音，調唔成調嘅歌，仲要成日好似我得罪左

佢咁樣，我已經忍左佢好耐啦......

　　　今日放學測中史，so睇唔到5c嘅比賽，但知道佢地輸左都有d唔開心啦，最唔開心果個應該係Tammy啦，唉，

出師未節身先死.....不過場比賽完左一陣我地都放啦，咁都唔等我....仲有呀，你唔好再幫我改d唔知咩名啦，好難

聽呀!!

　　　放學返屋企幫熊仔鼠換野，衰金毛咬到我流血，不過算啦，佢可能大左肚，所以我原諒佢，孕婦心情唔好好

正常。但係轉頭就見到佢響地下走緊.....可能因為我冇關好度門.....

      因為某人成日響我耳邊投訴嘅關係，我今日要打日記啦，不過太耐冇打唔知打咩好，就講下我今日嘅行程

啦。首先，一陣我要去食早餐，之後練笛，跟住去學笛，我已經成個星期冇練過啦。再之後就去哈囉喂啦，呵

呵，好期待。

     其實我真係覺得Tammy鐘意左某人啦，佢又唔認......唉，不過我d直覺都準準地嫁^^

尋日同我表哥一齊去補習，補完搭車走佢響車度就訓啦，個樣好好笑，佢話好攰喎，其實尋日我都頭痛啦，所

以早左訓覺。