金毛仔走左冇幾耐，連黑豬仔都走左，好唔開心啦．．．．．．佢都唔係好大咋，都唔知咩病搞到佢咁，本來佢真係好精神又乖架，日日都跑步.....好掛住佢呀，我細妹平時好似好鐘意佢地咁，但連佢走左都唔知囉....好對唔住呀黑豬仔，我咩都幫唔到你，見到你咁辛苦都幫你唔到........

　　都好耐冇打啦，呢牌發生左好多事，我家姐失戀，搞到佢自己癲之餘我都爭d痴線，我唔知點解佢同dfd講電話可以咁free而同我地講野就好似就死咁囉........

　　The other thing is: wait     好多野要等，等口試、等通知。

番學校練口試得出既結論就係同佢地講唔埋，溝通唔到，坐埋一枱都冇野講......

上星期五同Amy出去睇左天使與魔鬼，雖然之前已經睇左一次，但係都覺得幾好睇，跟住之後買左三本書，好開心啦

　　尋日考中史，前晚溫書溫到兩點幾，跟住五點幾就要起身，但係我晏左d，六點先醒，搞到趕住出門口，唔記得bring淮考證+身份證......遲d要去灣仔搞番掂佢.....好煩，都唔知會唔會扣我d分啦.....

　　考完中史仲有英文，跟住就搞掂啦，希望升到啦，升唔到都唔知做咩好呀......

　　太耐冇打過啦，唔知點開頭.....今年有好多野變左，我淨係可以講我嘅中五生涯只淨兩天，我響度諗如果

我升唔到咁點算，下一年就算我升到，我好多親愛嘅同學都會唔見左....諗左好多不切實際嘅野，但係書就仲

未有拎起黎溫過.....

　　呢個禮拜映左好多相相，差唔多係以往一年嘅總和，因為我唔想做d我以後會後悔嘅事啦，如果我唔映，第

時後悔都冇用。

　　尋日早上，響黑妹個籠突然多左個新成員─牛牛啦，佢一出世已經好大啦，仲好鬼死得意添，同我發夢見到果

隻一模一樣不過佢似我地另外買隻放落去多ｄ......