今日我要測兩樣野，數學真係好難呀，我一定唔合格

啦，今日我問tammy個密碼係咩，佢話要密碼即係祕

密，唔話俾我聽。之前又話咩四姊妹冇祕密，我話

唔信架啦，佢又言之鑿鑿咁講，我都話最多祕密果個

係佢架啦。

  聽日又要測驗啦，仲要測兩樣添啦，有牌溫。今日本來要

手球比賽，但係因為天雨關係，唔洗比賽，所以今日早左返

屋企。另外，我今日都早左返學，我早左出門口，等車果時

唔洗禁心驚驚。

  今日晶晶又喊，今次好似係話我成日鬧佢，佢咁婆婆媽媽咁

，睇見都火滾，今日中史堂果時梁sir都怕左佢，唔洗佢答曬條

問題就叫佢坐低。佢話我成日鬧佢，佢自己又唔反省下，佢冇

鬧我咩，佢有鬧我，不過我既氣勢勁過佢，佢鬧我冇咩說服力

之嘛。我今日淨係講左一句野咋，仲要係勁細聲，如果咁都叫

鬧我仲有咩好講。d人話女人係水做既，但係都唔洗將呢個特

質咁樣發揚光大掛，成日喊好好咩，喊得多近視加深添呀。我

真係好驚人喊啦，所以我多數都係d眼淚自己流出黎，咁唔叫

喊啦！

　　星期六去左學笛，同好多人一齊夾，古箏、楊琴、笛子、二胡

大合奏，都幾好聽嫁。不過就用左好多時間。星期日就趕功課，都

早左啦，早過十二點訓....落床，我淨係記得我好似俾家姐講電話d

聲嘈醒左，之後我勁大聲叫佢收聲.....佢實嬲死我啦！

　　今朝又差d遲到，好彩趕得徹，如果唔係就大煲啦。我今日要練

波，但係我地班手球比賽，我好想睇啦，所以就偷偷地走左落去睇，

我地班輸左啦，輸左少少。梗係啦，隔離班有劉鋒，一個打十個都

得。我諗起我聽日都要手球比賽，我死梗啦．．．．

  星期六去左學笛，同好多人一齊夾，古箏、楊琴、笛子、二胡

大合奏，都幾好聽嫁。不過就用左好多時間。星期日就趕功課，

都早左啦，早過十二點訓....落床，我淨係記得我好似俾家姐講電

話d聲嘈醒左，之後我勁大聲叫佢收聲.....佢實嬲死我啦！

  今朝又差d遲到，好彩趕得徹，如果唔係就大煲啦。我今日要練

波，但係我地班手球比賽，我好想睇啦，所以就偷偷地走左落

去睇，我地班輸左啦，輸左少少。梗係啦，隔離班有劉鋒，一個

打十個都得。我諗起我聽日都要手球比賽，我死梗啦．．．．

  懶左好多日啦，我自己都唔多覺~要諗下今個禮拜究竟做過d咩，又

真係唔係幾記得啦。星期三，上中史堂果時答唔到老師問果條問題，佢

罰我企左兩堂，我隻腳都仲未好返，仲有前面果d人就坐得，我就唔坐

得佢十成九係聽左虧豪講我d壞話之後對我有成見，佢話我諸多辯駁，

但係我淨係講左一句咋。之後落堂我未響度喊，虧豪佢欺人太甚啦，明

明係佢自己做錯左，成日騷擾晶晶，又話晶晶，搞到晶晶喊，佢自己又

唔承認自己錯，話我仲咩搞禁多野。之後佢就去訓導處告我爆粗...返到

屋企媽咪ask me咩事，我話冇野，佢猛禁叫我講，搞到我又喊多次...

之後去左買生日禮物俾Tammy，係一隻狗仔，呢個公仔都唔便宜嫁，

好彩佢冇話唔鍾意....

  星期四唔洗練波，不過要去練歌，之後睇女排比賽，好緊張啦。

  尋日去左學校既全方位學習日，即係去旅行，去小欖咩燒烤樂園

，有段時間好無聊，仲有係唔夠time，燒左少少野食加玩左一陣

就要走啦，唯一既成就就係我同Tammy同達達等人行左出海，拍

左舊石一下返返岸......

  返學校解散之後就同Tammy，Amy，晶晶去左影貼紙相啦.....

返到屋企之後知道媽咪買左哈利波特第七集俾我好開心啦，我尋晚+今朝

睇曬啦，有好多人died左，好慘啦！不過真係估唔到石內卜係忠既....

今日d野聽日先打啦，不過聽日要趕功課，唔知夠唔夠時間。