尋日去左camp，個camp四點出發，今日一點返，尋晚三點幾先訓，同Amy孖鋪，夜晚訓訓下

醒左一睜開眼就見到Amy，個感覺怪怪地，因為我好耐都冇同人擠埋同一張床啦！不過真係幾辛苦

嫁，因為想轉身都轉唔到，不過都幾好訓既，因為果晚我真係好攰。第一日我打羽毛球，唱ｋ同玩

桌球，打羽毛球同肥曾夾，真係估唔到佢又打得幾好喎，之後第二日都係同佢夾，佢有好大進步

啦，真開心。第二日玩繩網，我玩到手震腳震，因為我畏高，個教練話我如果唔試就以後都會唔夠

膽試，所以就試左啦，雖然真係好驚，但係都完成左，完左之後個教練仲打左我一下，話：大膽ｄ

啦你，但係我已經ｔｒｙ　ｍｙ　ｂｅｓｔ啦，佢仲要我響個網上面打筋斗，我點都唔肯啦！

　　返左屋企之後出左去食下午茶，再返返屋企果時坐響沙發一陣就釣魚，所以就返左上床訓訓到

八點幾，訓左成四個鍾度。

  今日我好乖咁響經濟堂度做功課，做左一陣功課就夠鍾落堂，都好似冇聽過書咁，之後放學去練

波，有d新人好恐怖，佢地其中之一走過黎用雞仔聲問我野，佢個樣都幾靚，但係佢問我野果把聲

就令我毛管棟，但係之後我有問過sasa,sasa話聽過佢把聲唔係咁喎！練完波之後我地old個d隊

員又要練體能，雖然唔洗跑樓梯，但係sit up果d野加埋走步法都好攰。

  今日有體育堂，玩排球，簡直係曝曬，個太陽勁猛。我呢牌d排球打得好左，都幾開心，不過我

差d就跟左Tammy同Amy佢地排4C，不過好彩冇。聽日就去camp啦，好期待，希望聽日好天

啦！

P.S.我今日先知原來Amy唔想去觀禮啦，唉，真係好對唔住啦Amy，拉左你去！

  今日，同以往冇咩分別，都係咁過，但係咁耐以黎我終於感覺到我自己既存在，呢牌我響

學校都幾開心，因為一小息，Tammy同Amy就會黎4A班房同我chat下，如果唔係佢地，

我都唔知點過，因為我對自己班完全冇歸屬感，上堂果時晶晶又唔理我，佢好似以為朋友係

要利用，當佢有功課唔識先睬下我，問我功課，但係佢大多時都like問Amy，但我d成績明

明好過Amy嫁喎，有少少百思不得其解啦！不過我知佢係因為識Amy耐d，所以like問佢。

但係因為太無聊而佢又唔理我，所以我未謂有訓下啦！但係我一d都唔覺得自己係4A班啦，

除左因為冇歸屬感之外，仲有係因為佢地好嘈，而我坐後面個感覺就係完全融入唔到，just

覺得佢地好似響街市買餸講價咁，勁嘈。

  今日又遲到啦，我今日非常黑仔，今朝俾小白咬，咬到個嘴腫左少少，好痛，之後又遲到， 真係禍不單行呀！！！

  今日有連續四堂英文，就黎上英文堂上到發瘋啦，我

地班堂堂都有功課，但隔離班就唔係，我地班要默書，

但隔離班仲未要默，好慘呀，就黎俾功課壓死啦。