今日要西史測驗，之前我上Maths果時訓着左，我已經等到佢講小休我先訓，點知一訓就訓左

四個字，個老師仲要行到我前面既隔離都唔叫醒我+冇話到我，晶晶坐我隔離都唔叫醒我，之後經

濟堂佢應承話幫卵溫西史，又9幫我溫喎，成日都昆我，我好好昆咩！ Lunch 之後上英文，我

lunch果時掛住溫西史，結果上英文堂就好多野都唔記得bring ，真黑仔！

　　今日上四堂英文，又冇小休，悶到想訓又唔訓得，好難頂。聽日又要測驗又要默書，好多野要

溫。練羽毛球同個 F.1打，笑都唔笑一下，又冇禮貌，好似我殺佢全家咁，好彩後來唔係同佢打，

如果唔係都唔知D時間點過。同D低F打雙打，一開波已經打唔返黎，一D都唔好玩，後來同嘉汶打

左幾球，先覺得似打緊波。

　　唔知點解好似有d若有所得既感覺，有似欠缺左d野，但係又冇喎....

　　尋日係中秋節，我同Amy and 我既屋企人一齊玩，實冇人估到我地玩咩，我地玩...紅綠燈，

數字球同埋狐狸先生幾多點，我諗講出黎真係有少少嚇親人，之後玩左一陣蠟燭之後就返左屋企，

果時大約十二點幾，返左屋企沖完涼之後開左牒睇，大約工點幾四點先訓，訓到今日一點度，不過

都係攰攰地。

　　尋日我好開心，因為媽咪大老遠咁從火炭搭車出黎陪我食早餐，佢響火炭係因為要bring樂樂

去練水，點知佢會專程搭車出返黎陪我食早餐，我真係好開心呀。

　　今日上世史堂果時我問黎伯借左數學書第一章，佢果本書勁殘，跟住我睇左一陣，點知俾個老

師見到，佢話我睇雜誌喎，痴線，我同晶晶講話如果佢響我櫃桶度搵到一本，唔係，一頁，我斬個

頭落黎俾佢當凳坐，佢搞到我俾虧豪笑，虧豪好賤，我今次世史測驗一定要攞高分ｄ，唔可以俾佢

地睇低。我今日本來要去練波，但係我諗住番屋企見下媽咪，同佢ｃｈａｔ下，點知佢唔得閒，我

仲同梁sir講話我要趕返屋企做節，所以唔練得波......