今日係去體操訓練營既第一日，真係好緊張呀！10點度番到學校集合，之後就分左4組，李凱晴、我、李文意都分開晒，唔同組，嗚......我係第3組，李凱晴係第2組，李文意係第4組。玩第一個遊戲係想我地各位認識多D自己組既組員，第4組最高分，我個組第2，不過唔洗驚，之後仲有得追既。

  1點係學校出發，去順利村個體育館度練體操，初頭以為自己唔係體操隊，就可以唔洗練，但係後尼至知原來要同佢地一齊做個D動作，唉......不過唔玩唔知，原來體操係好好玩嫁！不過我冇諗過要入隊囉！Haha......不過真係勁好玩，突別係個彈床，勁彈呀！我同李凱晴成日走左去彈彈彈，勁happy！不過最唔鍾意就係玩絲帶同波，太女仔la！不過李文意好似好鍾意咁，學完之後佢仲係個度玩，我同李凱晴都唔鍾意，就走左去問陳Sir可唔可以自己玩，我地去彈床玩，好開心。

  玩到5點度，就係個度解散食野，我、李凱晴同李文意去左對面商場度食大家樂，不過原來仲未到食晚餐既時候，唯有食茶餐，唉！食完我同李凱晴仲未飽，就走左上去超群度買蛋tat，一去到，見到剩番2個wor！以為要食la！點知，原來岩岩新鮮出爐，我地又貪心wor！買左2個，結果食唔晒，諗住拿番去孝敬阿Sir，點知，阿Sir唔要wor！佢話食飽lo！叫我地請其他同學食，唉......又要拿la！

  之後終於都番營舍lo！營舍係係大尾篤。我地坐左係飯堂，個度勁多蚊呀！之後分配好D key，就上房lo！入到房，嘩！好乾淨呀！都唔錯呀！我好滿意呀！放晒D行李之後，就去活動室玩遊戲lo！Yeah......

  係活動室度玩左好多遊戲，好好玩呀！我地組勁贏呀！唔知最後冠軍係咪我地呢？希望係la！阿Sir話個日輸左既一組就要煮早餐或晚餐，李凱晴個組聽日要煮早餐呀！唔知好唔好食呢？我仲未知晒我個組D人D名，希望快D記晒la！佢地全部都好好人呀！我個組有1個同我一樣係S.1，有2個男仔，其中一個仲係成日走尼1B話我地既prefect tim！真係慘......

   夜晚仲玩左一個勁好玩既遊戲，每組要用尼龍繩尼運送一個人上直升機場，之後搵兩個人跑落營舍拿水袋裝半袋水，之後跑番上去再搵另外兩個人跑落去裝埋個半袋，之後跑番上去，放番半袋水，放完就可以成組走人，搵一個人一路跟住跑，一路放埋D水，咁就完la！本來李文意個組最快嫁！之後我地組趕上去，上面勁大風呀！不時又落雨wor！真係...唔識講！之後我地組快D，做第1 la！Yeah......Lee個遊戲真係勁好玩囉！不過玩到我隻手勁痛，算la！個個都係咁嫁la！

  沖完涼番房咩都冇玩，之後就訓lo！結果李文意同幾個女仔係度玩飛行棋，我同李凱晴都想訓，就冇玩lo！

   開心既一日就咁完左la！之前仲諗住唔參加lee個camp tim！好彩我最後有參加呢！Happy......