| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2007 年 1 月 22 日 星期一  |
surprised.......  |
分類: Entertainment |
從 來無諗過七舅父嘅女朋友會咁好,今日佢主動叫我舅父同我公公傾計,仲完全唔介意親手幫我公公抺身,又幫佢換衫同埋塗lotion,因為咁耐而來佢俾我哋全 家嘅印象都係唔叫人,同埋唔係好nice,之前就算同佢出街食飯個感覺都係一般,但經過今日我真係唔會再好似之前咁諗,我見到佢幫我公公抺身真係好 surprised,希望公公可以睇住佢哋結婚同埋有小朋友啦,今日公公已經第三日喺醫院喇,佢尋晚三點幾仲突然唔記得咗自己喺邊(我知佢因為好唔鐘意同 埋驚咗喺醫院瞓),又話自己喺個朋友屋企所以要打返屋企話俾我婆婆同舅母聽,赫到我舅母打俾我個八舅父再打俾我,之後我舅父打去醫院問,但佢講錯room number,所以人哋話俾佢聽個病人已經走咗,真赫死呀~好彩佢知自己問錯,再問先知公公佢半夜身起唔記得自己喺邊嗌住要走,thank god~佢無事,舅父同我解釋完叫我瞓,但我仲點瞓得著呀,結果諗諗吓一個鍾後大約四點幾就瞓著咗喇~聽日因為公公仲要檢查其他嘢,所以我再請多日假,希 望咩事都無啦!
另 外.....我今日又忍唔住發咗我婆婆脾氣,我罵佢我個心都好痛家,我亦忍唔住喊咗出來,之後舅父叫我冷靜D,體諒下婆婆,所以我冷靜完就叫我細妹快D來 陪下婆婆,我都怕婆婆會唔開心,我知我係好唔體諒佢,但有時佢講D嘢真係好難接受,我好想佢開開心心去見公公,但都唔得,唉..........總之佢哋 倆佬無病無痛,要我做咩都無所謂喇~
|
| 2007 年 1 月 21 日 星期日 |
juz wait.......  |
分類: Entertainment |
今 日知道公公心臟比之前差,但氣管就好咗D,仲可以食到少少嘢,不過見到公公手上插住咁多嘢我個心真係好難受呀,佢同我講話好想拆咗手上D嘢,我只好叫佢乖 D唔好咁,我知婆婆都好緊張公公,但佢就點都唔可以好好聲氣咁同公公講嘢,我知有時對婆婆講嘢嘅語氣係重咗D,但我都好疼婆婆家,佢唔明我都緊張佢,所以 同我講嘢D態度都好硬,我諗只可以怪自己對公公表現得著緊過佢,舅父今日同我講要有心理準備,因為公公年紀好大喇,又入醫院入得咁密,而婆婆亦都老咗好 多,聽完之後我只好忍住,直到回家坐車時,我D眼淚真係忍唔住喇,不停流.......打開電話,見到公公同婆婆幅相,我個腦出現咗好多細個時嘅畫面,我 同細妹由細到小學三年班都係同公公婆婆住,因為媽咪經常唔喺香港,所以公公婆婆同所有舅父及阿姨都係我哋嘅至親,我記得以前曾經發公公脾氣時話自己係孤兒,叫佢唔好理我,跟住公公話唔准咁講嘢,如果唔係就話俾媽咪知,仲話媽咪聽到會唔開心,呢件事直到而家我都仲記得,我好想公公好似以前咁罵我,教我做人~
如果可以返到細個果時就好喇........咁就唔使見到公公而家咁辛苦嘅樣喇~
|
« | 25 | 26 | 27 | 28 | 29 | 30 | 31 | 32 | 33 | 34 | ... | 56 | »
|
|
