| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2007 年 1 月 20 日 星期六  |
公公又入醫院喇~  |
分類: Entertainment |
本 來今日放假去幫公公去醫院攞藥,點知五舅母喺我坐車嘅時候打俾我話公公好辛苦,又唔肯去醫院,跟住八舅父叫埋八舅母去睇住公公,我去到婆婆屋企立即 call白車,舅母話只有見我喺度公公先肯乖乖入院,去到醫院嘅時候見到公公呼吸得好辛苦,但佢仲好努力用好虛弱嘅聲同我傾計,就算咁辛苦都仲擔心D仔女 同埋D孫,我真係好想媽咪喺度陪我,咁我就唔使一個面對,我唔想公公見到我擔心嘅樣,所以我點都要撐住,之後舅父到咗我先可以定D,直到頭先返屋企先喺廁 所喊咗半個鐘,我知遲早都要面對公公會離開我呢個事實,但我真係未ready好........我公公真係一個好好嘅人,點解要佢suffer咁多,我好 想攞哂所有時間照顧公公婆婆,但我知咁樣係無可能嘅,而且公公亦都唔想我咁,上次公司嘅經理叫我考慮去澳門做嘢,而家咁樣,莫講去澳門喇,根本我連工都唔 想返,如果屋企個個都肯攞多D時間睇佢哋倆老我就心滿意足喇,我知個個都有嘢忙,但無阿公阿婆都無我哋啦,點解唔諗吓喎......我真係寧可喺醫院嘅係 我,我唔怕辛苦,只要公公無事,要我條命都唔緊要家,please GOD.....take me instead~
|
| 2007 年 1 月 14 日 星期日 |
我都要學泰拳呀~  |
分類: Entertainment |
  前晚去咗伊館睇泰國領事館舉辦嘅泰拳比賽,雖然唔夠泰國果D拳手咁好睇,但我哋香港嘅代表都唔差家, 有一埸喺女子賽都幾精彩,真係唔可以睇少女仔,打起上來仲激烈過男人 ,每一場雖然唔係話打到爆缸,但都幾緊張 ,而我細妹果個館嘅拳手雖然打得一場但都嬴咗(但我覺得佢唔係打得幾好囉~)果晚仲見到黃秋生,林偉,黃合喜,大傻,李燦森,羅惠光,張文慈,連麥嘉皮都有去睇(不過佢個樣好似唔同咗,唔知係唔係整咗容呢?!) .....仲有D唔知咩名嘅藝人,除咗睇比賽,另外有D表演都幾好睇,有泰式嘅古拳法(表演果兩個拳手都幾型家), 最好睇都係個靚女醫生表演健美式嘅泰拳(佢好靚女,身材好好,而且個有D似李綺紅,鬼鬼哋好靚呀!),其實之前都想去我細妹做果間館學泰拳嘅,但一來無時間 ,二來無錢 (家人學都唔平家~),遲D過埋年轉埋工我一定會去學.....  唔知幾時先可以去紋身呢.....最怕紋完俾媽咪罵(雖然媽咪經常唔喺香港,未必發現到),但舅父都紋咗幾個啦...唉~ |
« | 26 | 27 | 28 | 29 | 30 | 31 | 32 | 33 | 34 | 35 | ... | 56 | »
|
|
