直覺話比我聽系QOOZA post野系唔會有人見到既，希望系啦。

       最近好多人關心我，就算系唔系好熟既都講一兩句安慰我，真系有d感動 v_v我覺得自己升上F.4好似真系變左。我以前好少唔開心，尤其因為

朋友，從來都唔會擔心朋友啊，屋企啊，戀人啊（反正我一直都無），除左有時因為考試考得唔好先會關住自己系間房度喊。就算系喊，訓一覺

過左第二日就會無事。但系從今年既十月直到十一月月中，幾日前，我都好down，跳曬制LOL，原因系我既朋友，溫水（定熱水？其實唔系好記

得）

        我識左佢兩年。佢系我F.2個陣轉入嚟我地學校。我都唔記得點識佢啦，都唔記得點解我地會變成好朋友，我凈系知我以前真系當佢系我最好

既朋友，甚至以為自己中意佢。系外人眼中，我地真系好好既朋友，但其實當我認真睇返，我地又系咪真系咁friend呢？

      或者，我地以前有共同既話題，大家都無節操無下限，佢帶腐左我，我將佢變左exotic，個陣既時光真系好好。每日一起開心一起笑，做咩都

系埋一齊。食飯，放學，去camp，去考察，有咩活動都會問左對方意見先決定一唔一齊去。但系，時間真系改變到好多野。尤其是一個暑假，一

個人。

      本來我地都有個共同朋友叫熱水（定系佢先系溫水呢？），算啦叫佢做雞翼啦。F.4，雞翼同我地同班，坐系我地前面，順其自然地大家既

關係好左。好無奈地，我都唔知點解自己會呷醋。其實又唔算呷醋既，我自己唔覺得系咯。佢地一齊返學放學，一齊溫書，或者就系佢地一齊

溫書我覺得好似被佢地背叛左。佢地一直都系我學業上既競爭對手，佢地一齊溫書唔叫我令我覺得好大威脅，我怕佢地會一齊進步砌低我，所

以我先對佢地既行為咁大反應。

      我生日個日，10月21日，本來我系好開心架，生日丫嘛。但系本來我系QOOZA post既一段唔suppose會有人睇到既野竟然比雞翼搵到！仲

要截圖send比溫水，個下真系著X曬跳曬制，比佢激到喊。本來我就難得心情好都因為佢而無曬mood，好自不然地就喊。我將成個月既唔開

心，不滿，一次過講曬比佢地聽。我個個月真系忍得好辛苦，每次翻到屋企做完功課都會喊，系學校聽到後面位講笑笑下笑下又會想喊，搞到

自己好似癡線咁。所以我決定同佢地講清楚，我覺得自己真系好委屈。

       當佢地聽完我講野，佢地開左個whatsapp群安慰我。本來我覺得自己比佢地忽視，但佢地會氹我我真系好感動，我即時就已經原諒左佢地。

當我依家諗返其實我根本就系唔甘心，唔甘心比佢地拋棄唔甘心失去兩個好朋友，我先會拉下臉皮去搵佢地傾。但系過左幾日，佢地又故態復

萌，又再忽視我，我真系覺得自己好悲哀。點解我要一次又一次比機會比佢地？因為我太重視佢地，當我既重視得唔到回應我真系好hurt。我繼

續低氣壓，後來一個星期前，我再一次坦白，我問佢究竟仲需唔需要我呢個朋友，佢講左一大輪野我都唔記得啦，但我決定再比一次機會佢。

跟住個兩日我覺得真系好似返返到以前咁，一齊開心一齊笑。但後來佢同我講佢同雞翼拍拖。我其實又真系唔系好介意既，佢地拍拖咪拍咯。

我覺得我應該比空間佢地，所以chem堂我唔坐系佢側邊，小息我走去第度讓個位比雞翼。但可惜，佢反而覺得我賣隊友。

      我唔明白佢地既心態。佢可唔可以認真d對雞翼？點解可以用“分手啦”呢句嚟講笑架？！仲要一日講十幾次，你地唔厭我都厭啦！你地咁樣

邊似拍拖啊？！我系外人都睇唔順眼咯！

       呢幾日我突然諗通左，尤其是聽到張國榮寂寞有害，點解人會傷心？因為你著緊。只要你唔志在唔著緊，咁你又點會傷心呢？我發覺我越

來越不滿睇唔過眼佢既行為。我覺得如果我再扮無野繼續忍落去我會越來越討厭佢甚至憎佢。搞到咁僵我又唔想，不如趁依家放棄啦，留返個

好d既印象。或者系出於報復心理，以前你搞到我咁唔開心，我都要你試下唔開心既滋味。如果佢系一個月前打個一大段野比我同我講佢重視

我，可能我會好感動好開心，可惜，我已經唔再需要你地既重視，無你地我會過得更好，唔系晦氣話，系真心。因為佢對我根本就唔系咁重

要，我地會經常一齊，但我地無共過患難，我唔會同佢講心事，我地根本就唔似一般既女仔朋友！系我自欺欺人覺得佢對我真系咁重要，但事

實上真系唔系咯。我好想講一句，sorry,I don't wanna hurt you , but the truth is,you're nothing now!for me, you're nothing.You won't influence me

anymore , and i don't need you now.我都覺得自己有d賤，但，系邊個hurt我先？系邊個逼到我露出真正既本性？系邊個耗盡我所有既耐心用盡所

有我比你既機會？依家先嚟後悔？咪傻啦！我依家過得咁好我做咩仲需要一個令我唔開心既人？

       雞翼同我講你喊，話我高貴冷豔。系啊，我系啊，我系賤人我認，so what？佢系你男朋友偏幫你系應該，但一個月前你地都未系埋一齊佢

都幫你講說話咁又點計？雞翼話你重視我，咁點解我重視你個陣你唔回應我？佢話你好傷心系佢面前喊左三次，私底下唔知喊左，依家我無喊

過咩？唔好以眼淚衡量傷心既標準，咁計既話我肯定傷心過你好多倍。唔好逼我憎恨你，憎恨一個人好辛苦，你唔配浪費我時間。我受過傷，

我唔會比自己有第二次受傷既機會。我本來好善良，唔中意傷害人，但唔代表我內心無賤人既基因，你要我放低所有好人既特質逼我以賤人既

心對你，真系唔怪得曬我喔。我好耐未試過咁爽快，好耐未試過咁賤，做賤人既感覺真系好，都要多謝你比呢個機會我。再見吧，朋友。或者

你不需要一個賤人當你的朋友就永別吧，當做我從來未認識你，反正你身邊不缺人，我身邊也不缺人。