我po qooza其實係因為無人睇先po，不過既然你有睇，咁就當係分享啲秘密比你啦。

唉，傳說中既初戀就咁就無左。客觀角度嚟睇，我聽左佢表白，應承左佢，就算係同佢拍拖既。但主觀角度嚟睇，個三日，我完全唔覺自己係拍緊拖囉，根本就無戀到。我淨系覺得好大壓力驚到喊。可能我係太寂寞，想搵個人，再加上有小小報復心態唔抵得某人好啦，再加上佢又係各人口中既好男人，於是我就咁仆街真係應承左佢。喊出黎，頂，點解平時既佢同戀愛中既佢係兩回事？！我接受唔到係佢口中聽到bb chu三個字，仲要係對我講，好恐怖。雖然隔住部電話WhatsApp講，都好驚嚇。淨系同佢傾WhatsAp都傾到我想喊。我話我大個想旅行，佢話同我一齊去。我話旅行要自己一個人先有意思，佢就話比錢我去。好恐怖啊啊啊啊啊啊啊啊！！！媽咪啊！！！佢傻架！！！！邊有人好到咁架。係，佢係真係好男人，正常女人都中意，問題我唔係呢，喊。唔係我衰，呢啲年紀拍拖玩完就算架啦，邊有人諗得咁長遠？！諗將來，我本來打算最多半年就散架啦我，你同我諗幾十年後既事？我覺得拍拖三個月都夠啦。唔得，咁長情既好男人我受唔起，係我配唔上佢。三日！白白浪費左三日！！說好了的初戀就咁就浪費左！雖然其實我都唔係好care呢啲野，但始終都係會有小小在乎架嘛。女人。

有人同我講話初戀就係咁，雖然係好on9但係學到最多野。又好似岩喔。我根本唔應該不經大腦就應承人，我又唔應該唔考慮大家既性格，我地既愛情觀根本唔同點係一齊呢？其實係我眼中愛情都係一種交換既關係。我付出我既心思換取你對我的掛念痛惜愛護，就係咁簡單。咁既然係交換，對象係男係女又有咩所謂？得到既愛護唔會有分男性既or女性既，都一樣。

剪頭髮前一日我寫左封信同佢講分手。好可笑，我地第一次既“約會”就係最後一次既約會。剪頭髮個陣，個阿姨幫我洗頭，我諗左好多野，好亂。後尾坐到落張凳，個令仔問我要點剪，我個腦好似一片混亂又突然好清醒咁同佢講“幫我剪個帥氣點的髮型吧！”結果就咁啦。返到學校個個問我受左咩刺激，我都答係。但其實唔係刺激，唔知點形容，好似你啲耳機繞埋一舊你拆返開既feel。