USB記憶體

最近有兩個電腦節開鑼，很多電腦產品都低價傾銷，當中也有不少人會搶購一些外置硬碟盤、外置記憶卡或其他USB快閃裝置，咁知唔知咩係USB快閃裝置呢？

USB快閃裝置，通常我地又稱為USB記憶棒，不過最多人叫都係叫「手指」，這是一種用快閃記憶體來儲存資料嘅快閃裝置，既體積細、重量輕，卻儲存容量大，又可以重複寫入，非常方便。為方便工作和學習，宜家好多人都會以USB記憶棒來存取電腦入面的資料架。

而現時市面出售的USB記憶棒都有不同的功能，有某些USB記憶棒為了保護記憶體入面嘅資料，每次讀寫時都需要輸入密碼，使用者可自行設定密碼，但有啲USB記憶棒係冇密碼保護嘅功能，所以選購時應揀選有提供資料加密功能嘅USB記憶棒，若不幸遺失USB記憶棒的話，可透過加密功能防止未經授權的人存取資料，得到保障。

另外使用USB記憶棒亦有一些事項要注意，首先一隻未用過既USB記憶棒要先格式化，即係將記憶棒裡面既所有資料刪除，而刪除後係無法復原；用之前更應用防毒軟件掃描，如果發現病毒就唔好開啟，係開啟前先修復，咁樣可以防止電腦中毒。

拔除USB記憶棒前要記住先安全移除，如果冇剔選安全移除就拔除，可能就會破壞記憶棒內既記憶體，咁入面啲資料就會好易遺失或損毀架喇；亦要小心處理個人資料，避免將個人資料或他人的私隱儲存於USB記憶棒內，更要小心保管好自己的USB記憶棒，如果拾獲USB記憶棒，應該交給警方，不應擅自開啟、分發USB記憶棒內的資料，否則已屬侵犯他人私隱。

與此同時，隨著USB記憶棒的儲存容量不斷增加，可以儲存大量資料，例如電影、遊戲、音樂檔案等等，令用家多了一個分享侵權物品嘅渠道。不少人利用記憶棒儲存及分子網上下載有版權保護的物品，其實都是侵權的行為。因此，在使用記憶棒時，要留意上述幾點，小心運用呀。