可能大家都有寫blog的習慣，但原來寫Blog都要小心謹慎，點解咁講呢？或者你睇完以下的貼士，你就會明白了：

１）網誌內容應保密

雖然網誌係屬於你自己，但只要你公開內容，所有陌生人都可以睇你的blog！有ｄ人鍾意將自己去左邊、做過ｄ咩、食過ｄ咩等等都同人分享！咁做其實好危險的！因為如果被不法之徒知道你的行蹤時，就可能趁你外出就入屋爆竊，外國都已經有案例係因為受害人在網上公開自己的行蹤，令到小偷有機可乘，入屋盜竊。但如果你將blog加密碼、設定登入限定或者朋友限定時，你就可以好好保護個人資料，只係分享你的blog俾最可靠的朋友瀏覽。

２）網誌內容要尊重別人

好多人以為blog係屬於自己，可以暢所欲言，於blog入面任意批評別人或者發表攻擊性的言論。之前一個男網民於blog入面對女明星評頭品足，引起女明星的影迷不滿，於是就引起一場網絡罵戰。雖然每個人都有自己的blog，都希望透過網上平台去表達自己，但如果內容含有攻擊性或批評他人，就會有機會演變成大家互相指責及攻擊。

其實在互聯網世界應該保持互相尊重，正如在現實一樣，你不希望有人在街上對你評頭品足，同時也不會隨便在街上指罵他人，所以大家一定要養成互相尊重的習慣，建立正面健康使用互聯網的態度呀！