今年既生日過得好開心呀

雖然我既生日已經過左,

但咁開心既一日我係唔會忘記嫁=]

果日既節目對我黎講相當豐富,

首先去左睇戲,戲院果度真係凍到嘔呀- -'''

好似個雪櫃咁,加上都睇唔明套片講咩,

真係冇得彈呀-_-''

跟住去左西九龍食壽司,

真係好飽,飽到想嘔,

好多謝kaman同ruby陪我過生日,

好開心有兩個咁好既朋友=]

之後去左影貼紙相,

一個好難忘既回憶,我呢世都唔會忘記- -+

到七點鐘左右,就同兩個姑姐,patsy同家姐一齊打邊爐,

我冇點食過野,因為飽到食唔落

最後就回家了

今個生日既遺憾就係少左好多朋友同我講生日快樂,

但我都要多謝一個好鍚我既人,就係我男朋友,

多謝你請假陪我過生日,搞到你星期日都要番工,

真係唔好意思....^^'''

但在女朋友野蠻既角度黎講,

我生日你請假係應該既,加上人地生日仲要整到人地喊,

星期日都要番工就當打和啦=P哈哈

今日上午番學補英文,都學唔到D咩既...

浪費金錢T^T五百蚊比我買衫仲好啦...

死啦...D琴又未練好..一陣學琴既時候一定比人鬧爆T^T

P.S  衰野,比心機呀,番多幾日就完啦,我支持你!!!!!