好曬呀...好熱呀...落下雨啦...

聽日愛人就要去軍訓啦...

希望佢一切順利,平安番黎啦~~~

要八日甚至九日先番...有排等啦...

呢兩日都唔知做咩,好頭暈呀...

琴日去左游水,曬到黑哂...

好難先白番嫁T^T我唔想做非洲黑雞呀...

呢個暑假雖然仲未完,但係我對呢個暑假既活動幾滿意

最起碼出街次數比上年多,

不過一心想係呢個暑假裡面學多D野,

但好似樣樣都咁難咁既- -'''

好唔順利呀...搞到我冇哂心機...

有冇人可以鼓勵下我呀?!好灰呀...

今日番左英文補課班,一個好垃圾既班,

同D同學講開,原來商科班D同學真係咁差嫁...

真係咩人都有...死啦...而家開始驚啦...

真係唔知讀唔讀到,我諗上堂一定會好嘈,好似個街市咁- -'''

D暑期功課仲有好多未做呀,而家已經冇心機做啦...

點算呀...

我而家想盡情咁玩足一日呀......

------------------------------------------------------------------

打完日記冇幾耐,我就去睇左一段片,

呢段片係我地3A班既某一位同學自己整既,

呢段片我覺得真係整得好好,真係好感激呢位同學為我地保留住D咁美好既回憶,

每次睇完呢段片之後,都想流眼淚,因為都係好唔捨得離開3A班,

讀左咁多年書,我覺得最開心就係中三呢一年,

我可以認識到一班好好既同學,有一個好用心教導我地既阿SIR做班主任,