琴日補習又係度發埋哂D小姐脾氣

真係唔好意思啦,MISS,

成日都要你哄我......

不過我琴日真係好攰呀,

眼訓,攰,腳痛,手臂痛,腰痛......

一日最衰都係個體育考試,

搞到我痛左幾日都未痛完......><''

好啦,廢話少講,

講番今日先~

今日番學校開Christmas Party,

玩左三大個虐待我既遊戲,

之後就開始食野,

勁人同第二D同學整果個蛋糕同餅整得幾好食,

值得一讚

今日有幸見到范SIR個老婆同佢個仔@v@

范SIR個仔好得意呀,

好少見到D兩歲半既小朋友咁乖,

不過好靜......

放左學之後,

又同老公仔出左旺角睇手機,

跟住約左阿偉同佢女友去紅磡食飯,

第一次見到阿偉個女朋友咋~

未見既時候唔知點解心情有緊張- -'''

見左之後,發覺都係不外如是姐......

之後食完野就上左阿偉屋企,

佢屋企隻狗仔好慘呀......

好瘦,食野好似好辛苦咁......

就連飲水都要用針筒飲,

好可憐呀.......

跟住就同老公仔番左屋企LU......

今日玩得好開心,對我黎講已經好滿足啦

P.S 老公仔,呢排辛苦啦,

      呢個聖誕假就好好休息同輕鬆下啦,

      不過都要安排好時間去溫書呀,

      要追番之前好FIT既你,比心機呀,

   ※成功的先條件,是不變的信心,堅強的意志。

P.S 老公仔,當你講野既時候,可以先想想我既感受嗎?

      你也可知道,如果常被人批評或一些不友善的態度對待,

      那種感覺有多難受......