"願你記住   結束感情沒有罪"

今日全日都系屋企

冇出過去

阿爸中午就出左去

得我自己系屋企玩電腦

我11點幾起左身就食粥

1點幾開始同景豪sms,又傾電話

佢係我前7任男友,到依家都會間中聯絡

分左手都已經年幾啦!可以做朋友都好

但係佢怨自己同我冇緣

佢怪自己當初唔好好珍惜我

最後搞到比我飛左

依家佢想再同我一齊 =  ="

今晚都係我自己食飯

到夜晚12點幾阿爸先返黎

今晚我電話又停左,因為冇交住址證明

但係要等家姐系大陸返黎先交到

應該多幾日就返

景豪約我聽日中午1點出去見下面,周圍行下

就1點就訓教啦~

"不在乎天長地久   只在乎曾經擁侑過"

牛  年  駕  到

今日8點出門返工

不過放早工

老闆7點就放我走啦!

去到秀茂坪我男朋友陪我去買野

買左三粒裝出奇蛋,我兩粒,男友一粒

放工返到屋企阿爸自己已經食飽

不過有留D比我食

唉...今日係年三十,家家戶戶都食團飯

而我就要返工,連團飯都係得自己

不過我冇食,就出左去

細雨陪我去麥當勞

我兩粒出奇蛋,一粒我食左,另一粒比左細雨

之後去左商場後樓梯坐住等我男友丫豪黎

丫豪黎左,11點幾細雨話飲酒,去買4支生力啤,丫豪請

一人一支,我飲晒佢地都未飲晒

細雨仲話要飲3支=  =

我好耐冇飲過啦!

飲完之後暈下暈下

不過有我男朋友扶住我行

細雨飲完話肚痛,佢話平時唔會架

之後佢就返左屋企

我同丫豪上左佢朋友架車,話遊車河喎...

架車5男得我1個女

跟住去左清水灣人地屋企玩

到凌晨3點幾6個人撘的士走人

4點就返到屋企訓教~

 鼠 年 8 8 啦 !

返埋今日就放新年假啦~

今日放學丫豪同佢一個朋友接我放學

佢朋友要買鞋,跟住同佢地撘地鐵去寶琳

6點幾就返屋企

食完飯阿爸出去

我開電腦 on MSN 見到家姐比留言我

話媽咪黎左香港,我即刻打比家姐

最後媽咪同家姐9點幾黎到我屋企樓下見我

仲去左大家樂飲野

見到丫鵬,又見到丫昇

同媽咪、家姐傾左好耐計

11點幾佢地就走LA

我就返上屋企訓教

好耐都冇見到媽咪啦!見到佢好開心