十大重要技能
黃毅力 CEO實戰手記：十大重要技能
(一) 關愛的心，正義的朋友
我地需要極盡自己所能，唔計較去幫人地。比果D 比我們更加苦、更加無力，比我們更難過o既人感受到尼個世上有希望同關愛。尼D善良經常會係播種，系唔經意咁，就會開出最靚o既「人性之花」- 友誼，咁樣，自然就會得到真朋友。
(二) 常懷感恩心
當我地面對生離死別同參加完葬禮，或者系新聞見到世情不幸，都會湧起一D感慨；當我地大病好番，都會珍惜。感恩o既心一定要時常保留，它不但比你憐惜身邊事物，仲能平撫欲望同爭鬥，尼果感恩o既心，可以為人生帶來無比o既幸福感覺。
(三) 學懂化解兩種苦
塵世間有兩種苦，一係得唔到o既苦，二係鍾情o既苦。前者系你付諸努力o既前提下，就將一切當作一場賭博，勝之坦然，敗之淡然，好在年齡仲有一定o既資本得以捲土重來；至於後者可話係世間最苦，如果系尼果時候仲有咁樣o既情愫，一定要似清去灰塵咁，將它系心房掃走。
(四) 學會忘記
有D事需要無聲無息咁忘記，經過一次挫敗，就長出一次智慧o既種子；有D苦痛同煩惱要默默咁承受；歷練一次；就豐盛人生一次。比佢地知道，尼果年齡唔應該再似細果時係咁大喊大叫，痛哭流涕，情緒失控。
(五) 學懂放手
人生係一個單程o既旅程，唔可以返轉頭，唔可以Take Two(重複)，當你無力把握命運中o既某種現實、某種結果、某種緣、某種愛，就要學會放手，唔強求，唔投訴，比自己一個全新o既開始，全新o既投入，只要信心在，勇氣就在；只要毅力在，成功就在望。
(六) 習慣儲蓄
從小要培養出儲蓄o既習慣，唔好先花費後儲蓄，要學識「先儲蓄，後花費」，系逆境時置業，系順境時唔好過度消費，「先使未來錢」。
(七) 樂在工作
人生三分之一或二分之一o既時間，都系工作上。佢檢驗我地o既智慧同能力，比我們體現價值同獲得成就。一定要全心愛佢，畢竟佢比你大半生有事做、有飯食，養妻活兒。
(八) 愛在學習
讀書同學習都係我地智慧累積o既點滴，每年至少要習慣讀十本自己鐘意o既書。佢不但可以鍛煉你o既記憶力、感悟力同修養，亦都可以改變命運。
(九) 懂得音樂
從小學識一種樂器，音樂會洗滌佢地o既身心，抒發壓力，打開佢地o既想像力，創意，會帶來意想唔到o既內心寧靜。
(十) 習慣運動
善用時間去運動、從而保持青春，活力同健康。有左運動o既習慣，你o既體重就唔會因為懶惰而上漲，你o既容貌都不會因為歲月而減少光采。
|
