過左十月份啦!新一個月又開始啦!

不過對我黎講咪又係咁

今日4點醒左,訓唔著,不過冇起身

到6點忍唔住,所以起左身

起身食野,玩電腦

玩到9點幾見到阿爸起左身

由琴晚開始就冷落佢,一粒聲都冇出

所以我熄機又訓左落床連頭蓋被扮訓教

佢10點幾佢行入我間房先同我講:「阿歡,起身啦~煮D粥食啦!」

我答佢:「我食左.」佢話:「食左咩?」

我答:「朝早食左麵包.」佢話:「煮D粥食啦!」

我答:「我唔食,你食自己煮.」佢之後就出去廳

佢知道佢唔開聲同我講野,我係唔會同佢講野先

就黎12點佢叫我起身,之後我起身

佢煮通心粉比我食,我食左少少

12點幾開電腦打Blog,之後換衫梳頭返學果陣

阿爸比返手機我,不過我返學,所以冇開手機

到放學5點幾先開手機,我D朋友約我去唱K,我唔去

琴日放學都有朋友約我去蘭桂芳,我咪又係唔去

所以得返自己一個,搭地鐵去到藍田,又同呀生傾電話

我去藍田交上網費,仲有周圍行

到屋企落下先收線,返到屋企都就黎8點

食飯又聽阿爸講成堆野

食完飯就玩電腦果陣電視開六合彩,阿爸中左4個

到10:30左右就熄機訓教,真係好鬼累~

呀生:

我唔想因為我你就咁樣!

祝大家:

萬聖節快樂 !

今日6點幾起身,洗完頭就出門口

唉......冇左手機就左遲起身

今日集隊果陣,教我會計科o既 Miss Lo走個黎

同我講:「你做咩份卷o既第一部份冇做丫?唔識丫?」我點下頭

可能佢已經改左我果份卷啦!

英文堂派卷嚕,100分拎59分,好才合格

比中文好少少啦!全班最高o既系新同學,佢拎81分,好勁~

今日中午同朋友出去買飯,之後拎返學校食

之後測設計與科技,  OK   La~

放學去測經濟,都係麻麻啦~

測完後系學校籃球場玩,玩到6點幾同朋友一齊搭車返屋企

返到屋企同阿爸冇野好講,好嬲佢

食飽飯自己洗衫,不過都有洗碗

之後9點幾就訓左落床諗野

諗緊如果我手機長期比阿爸收,羽仔同呀生或者其他人搵我唔到會點呢?

諗緊今日有冇人搵我呢?

諗緊點解我人生會咁樣?

諗緊如果我同我阿媽一齊,咁就好啦!

諗緊我如果死左會去邊?D朋友會點?

唉.........原來冇手機好慘下

系床到連頭焗著系被到,不停諗野,同自閉差唔多

之後諗下諗下就訓左

今日就黎5點起身,比平日仲早出門口返學添

頭兩堂上完會計返自己班房,我櫃筒D野比人搞亂晒,仲唔見左本圖書------《明星志願》

都唔知邊個咁冇品囉~一定唔會係我班D人

上中文堂突然賀卓比SMS我話我知佢新o既Xanga,真係估唔到

果陣係11:30到,應該係上緊堂架嘛,點解佢會係尼個時侯.........

數學堂,Miss冇返,班主任代堂,都有野做架~~

小息有人話我聽我阿妺比人整喊,我都好擔心佢咁樣落去會點樣

返學兩個月,冇交功課要留堂都比副校長點過兩次名,全校都知

返學兩個月,手機比Miss收過

返學兩個月,比人地蝦又喊過

返學兩個月,向我投訴佢o既人好多

唉.........一D都唔同我一樣,希望佢讀得開心D,學得好D,唔好咁曳啦~

食飯啦~今日食壽司加飲品,仲一邊同呀生傾電話

食完去走廊垃圾筒丟垃圾,點知見到馮Sir,比佢收左部手機

商業堂,Miss話琴日測驗第一班有D人傾計,秩序唔好,仲發現有本商業書打開左

依加學校調查緊,好才我係第二班游Sir監考,秩序好好

放學去搵馮Sir拎手機,佢話佢好多野做,唔理我D野住

叫我去測會計先,唉......會計我都麻麻地,第一部份空鬼左

測完再去搵馮Sir拎手機,佢比返我,同我講:「要傾都要小心D,睇下周圍有冇人,下次小心D啦!」

之後同我朋友一齊搭車,一出門口又同呀生傾電話,傾到屋企樓下

今晚on MSN,羽仔問我聽日萬聖節去邊玩,唉.......咪又係同平時一樣

呀生問我做咩唔聽電話,我手機整左無音

而且比阿爸罵緊,因為中文卷得28分

玩電腦玩到11點到就熄機,坐定定聽阿爸訓話

我同羽仔講:「早D訓,我訓,88!」其實係比阿爸訓話

我冇心講大話架,我只係唔想佢擔心

希望羽仔你唔好怪我啦,真係對唔住!

訓話訓到12點幾,之後訓落床又同呀生傾電話,

今次係比阿爸收電話