今朝返學撘巴士見到一個好耐冇見o既阿差,佢坐左系我隔離

我好肚餓,所以食緊蛋糕同埋飲朱古力牛奶

佢望住我,我好驚佢,我個頭扭去望窗出面,一邊食一邊望

隔左陣,佢同我講:「你好靚, I Love You」我冇理佢

不過我已經冇謂口再食野啦~所以食左半就扔左 =  =" 

之後佢同我借筆,我佢絕左,不過佢好煩,所以借左比佢

佢拎左我支筆後拎黎鍚,不過我拎比佢果陣己經決定唔再要果支筆,就算佢比返我都好,我都要扔左支筆

唔係我支筆唔用得o既問題,而係因為我唔鐘比佢掂完D野再比返我,支筆姐真係唔稀罕

我扔左佢又要拎返 =  ="仲又錫多啖,之後佢同我講:「見到友筆就等於見到你」 

我好呆 =  ="我不嬲都係笨笨地,反應同理解能力都差,記憶力都唔好架~

所以佢講左D野後,我都要諗諗下先知佢講咩,好難先明白,因為佢英文講,部份講少少中文

佢想送野比我,不過我絕對唔會收,之後仲寫左佢電話系我紙袋度,叫我聽日打比佢,佢寫都冇用,因為我根本唔會打

我落車都諗住琴日早D出門口撘早幾班巴士

今晚食完飯後 ON  MSN  同羽仔講今朝發生o既事

佢好緊張咁叫我每日都要早D搭車返學

今晚好特別見到阿細 ON MSN 特別係佢幾年前拎走我初吻o既人就係佢,不過可能唔小心,

我同佢絕對唔係曾經一齊過,只係朋友,所以大家唔好誤會丫~

我同佢好耐冇見啦~佢住沙田架,做緊維修,佢好少上 MSN架~今日都傾左一陣

所以就話咁特別 啦~

今日重陽節放假

今朝好開心~ 我終於搵到賀卓o既 MSN啦!仲見到佢上左線添~

對你地黎講就冇咩特別,不過對我對講好重要

等我介紹下佢先:

佢叫賀卓,大過我少少,住得幾近我,以前同校,不過高我兩級

佢係我中二開始鐘意o既人,亦都係我第一個鐘意左好耐o既人

當然依家仲鐘唔鐘佢就要保密先

佢性格我鐘意,佢唔係似其他人係咁大笑,佢只係微笑

佢好正經,有D cool  cool  地

佢最特別o既係行路快,連我都跟唔上

只係有一次落兩佢遮我返學先至同步一齊行 =  ="

佢係文科生,上年2007年岩岩畢業

所以話重要就係咁解啦,我同佢已經年幾冇見 La~~ 今朝所以好開心

好才佢仲記得我,仲記得系邊度比佢msn我添,之後系msn傾左一陣先知佢依家o既狀況

原來佢上年畢業後報讀左毅進,依家係石硤尾讀紀律部隊------救生員,哈哈~~都好襯佢

                                                                                                                                           一、就係專心讀書.

二、就係練好D水.

以上兩點係佢同我講o既目標佢有目標我都放心D.

佢仲話得閒一齊出去玩,同佢傾左一陣就落線啦~因為,今日放假,佢去食壽司.不過我真係勁開心.

今日約左羽仔2點旺角見,我12點半已經出門口啦~

之後同佢去朗豪坊行,是但周圍行,跟住去買野食,之後去球場坐,之後去機鋪度

去到機鋪嘉威就打電話比我,佢自從中秋節後到今日先打比我,隔左就黎一個月 =  ="

仲要咁岩今日都黎旺角度,不過佢早走過我,可能系我身邊擦身而過都唔定.

5點幾我送羽仔撘地鐵,因為上次佢送我,今次好應該我送佢,送佢走左之後我去買魚蛋食,仲有買珍珠奶茶飲.

之後撘小巴返屋企途中我不停咁諗野,係到諗今次如冇意外就應該係羽仔11月尾返大陸前既最後一次見面

佢要返大陸實習,要下年6月份到先返黎,不過佢每隔一個幾月返黎香港一次

但係我叫佢唔好搵我,尼個唔係我冷淡對佢

只不過為佢好,我唔想佢每隔一個幾月返黎見左我之後又再返上大陸會唔捨得我

果個感覺好難受,我見到咁樣我會喊架~

所以我叫佢下年6月到搞掂晒先返黎搵我,仲要係記得我先搵我,唔記得就當冇識過我,從此就咁完結

尼個絕對唔係我對佢冷酷,而係個約定,半年內我同佢離遠左,咩事都可以發生,正所謂-------世上冇絕對

今日返到屋企就6點,食完飯沖完涼8點到就訓,冇玩電腦,都幾乖架

今晚我上網玩熱舞街,因為應承左人,我上到去,王樹風早過我上,佢邀請我去跳舞

佢係我琴日識o既朋友,佢係系河南,今年17歲

今晚佢開左間有密碼o既房,房名叫"求愛中",佢邀我去原來話準備向我求愛 =  ="

人都未見,佢都知我好好喎,話感覺到我,仲話了解我,不過佢講D野都中左

佢今日成日諗起我,仲問自己"我點解係香港,離佢咁遠,如果近D就好"

我當時冇講野,只係聽佢講,講到咁上下,佢都好識做,叫我陪佢跳左幾場,之後就落左熱舞街

跟住系MSN同羽仔講頭先o既事,佢又吃醋 =  ="

仲以為我聽日放工約左王樹風去街,所以話聽日去接我放工,佢話在乎我先至咁樣

佢話唔想我同第二個男仔去行街,之後佢同我講佢愛我  =  ="

我同佢識左差唔多兩個月,見過兩次面,咁快就咁樣

佢講左愛我之後,我唔知講D咩好,當時唔知點解我心壓住左,我忍唔住喊,

跟住咩都冇講,只係同佢講"我訓,88"之後就熄機訓左落床喊,我都唔知點解會咁樣