中午食飯時間o既時候......
今日中午班房好怪,平時勁多人偷買飯帶入班房食
點解得兩個女同學偷買飯系班房食呢?
其他人去左邊呢?
而我就聽電話
突然,班主任 Miss Li 行入黎,之後帶走食飯o既女同學
當時一邊聽電話一邊喊o既我
雖然老師見到,我又知唔可以系學校聽話,不過我繼續仲聽緊電話
我喊唔係因為老師要罰我,其實老師罰我,我冇所謂
我喊係因為岩岩同搬左一個幾月o既養母傾到喊
佢搵我係講我屋企狀況,我冇講到,佢怨天又怨自己,我叫佢既然事實上已經同阿爸分開左就唔好再理我屋企D野
之後佢問我點解冇去探細佬,其實我都想,不過我要有時間先得,而且又要暪住阿爸,因為佢唔比架
同養母傾下傾下,唔係我唔捨得收線而喊,而係我心酸,仲要好辛苦聽住佢講落去而哭
最後老師冇收我電話,放學後 Miss Lo (我中1、中2 o既班主任,依家教我會計科) 同我傾計,都好返左好多
回憶我o既學校......
雖然學校嚴左D,不過我都 OK 鐘D老師、同學
小學到中學D老師都好錫我架,今年中4啦,小學果邊仲有老師問候我
我有時都會返小學探老師,不過小學學校就黎拆啦~
果陣要探老師都好唔方便,要去到啟業果邊,希望我盡量可以去啦~
雖然我係小學O既學習生活時間好短,只得兩年幾,不過我依然都咁愛小學
記得係我小六畢業要離開母校果陣因為唔捨得而喊
依家每次當我經過小學就諗起小學時候係好咁開心
依家就拆,心情都好依依不捨,我永遠都會記住我間小學架~
|
