今朝阿爸同佢女友5點起身

我等佢地出門口先起身

問佢地咁早去邊度又唔講比我知

我今日搭車,見到誌誌同阿邦兩個著左便服o既男同學

佢話今日去旅行,話我著校服係我搞錯左

我仲以為真係我自己搞錯

原來佢地同我講下笑姐,佢地生物科去米埔

唔怪得著左便服啦~

今日班主任堂派左中期考試時間表o既通告啦~

話咁快就係考試啦~

班主任話我就黎出賽朗誦

所以後日星期四放假都要我返學校練習

今日換左有銷櫃筒o既第二日

已經有幾個同學冇帶銷匙啦~真係「大頭蝦」丫!

今日有一堂數學小測,有一堂英文測聆聽,有一堂會計又測

另外一堂英文冇上堂,自由活動

因為生物科去米埔全班都走左十幾個

除左測驗,真正上堂o既得四堂

今日小息準備聽日去旅行燒烤o既事

我係組長,所以要收D組員o既錢

每人壽D錢準備放學系學校大門口等埋一齊去買野

今日放學加埋我都得四個人去買

其他一係就有第九堂,一係就係生物科去左米埔

所以得我地幾個去買

四個分成兩個,我同金絲猴阿峻就去百佳

另外就誠誠同阿進去惠康,睇下邊到唔貴

之後誠誠同阿進上百佳會合我地就一齊買

買完再去惠康買炭,因為百佳冇晒

之後四個又去街市買

買完就分人拎野,我拎凍肉果袋

其他o既佢地男仔拎

之後就走啦~金絲猴阿峻同我同路

同我行去搭車佢就走

我搭車同呀生傾電話

到落車,見到小華同潤華兩姐妹,原來同架車都唔知

之後我去百佳買野

臨同呀生收線之前,我應承左佢一樣野

果樣野就係........................................

今晚食飯問阿爸今朝去邊度

原來咁早就係辦証件

不過輪到佢就冇得辦

話聽日要4點起身早D再去

今晚玩電腦,阿爸叫我聽日去旅行搭船要小心

去到南丫島都要小心d,佢話凍親唔緊要,重要o既係唔好再跌親受傷

我都未擔心,佢就咁擔心

今晚9點半就訓教啦~

琴晚成晚冇訓,今朝5點幾沖涼洗頭

8點出門口返工,今日都唔係好凍

就1點羽仔比sms我叫我要食飯,唔好餓親

我諗佢又睇過我o既 Blog啦!

不過佢都唔會講D唔好o既野,好樂觀~

2點到,呀生比sms我,我都知佢睇過我o既 Blog先咁講

內容係咩就唔好公開啦~天知地知佢知我知

睇完我都唔知諗D野,唉......

3點幾食飯,我好快食飽就去幫手

5點幾老闆問我想食咩,我心諗又食,3點幾先食完,隔左2個鐘又食

老闆買左叻啡比我飲

7點半呀生比sms我,我唔知點講好

到左8點,阿爸打比我問我幾點返到去

我仲幫手收緊野,收工再比阿爸答佢

收工啦!阿妹比sms我問我收工未

之後傾左陣

撘地鐵我就企住覆返呀生比o既sms,之後佢打左兩個電話比我,我冇聽

最後仲熄左機,唔係我嬲,,唔係我故意唔聽,係因為我................算啦!唔好講啦~

之後又唔記得落車,搭多左兩個站,落車搭返轉頭

之後自己去行下,仲買左D野比阿妺

之後去搭小巴我就開左電話,收到返屋企羽仔比我o既SMS

叫我收工就返屋企,唔好周圍去

佢又會知我周圍去,落左車去公園到坐住,之後覆返羽仔

坐住冇做咩,望下天上月光,雖然唔完,不過發去O既光依然咁光咁靚

姐話人係冇十全十美,雖然有D唔係幾好,但係內在美依然係咁好咁靚,---------人都有獨特

10點幾返屋企食飯,沖涼之後阿爸幫我茶藥

12點幾先訓左落床,好眼訓,又有D累

零晨就黎4點羽仔sms我

今日5點幾醒左,訓唔著,系床蓋著被聽歌

6點幾起身刷牙洗頭

7點到開電腦玩,一邊做功課

隔冇耐,呀生上左msn,同佢傾計

呀生教我做數學,佢真勁,希望佢繼續努力讀書啦~

之後嘉豪(三個嘉豪o既其中一個嘉豪),佢同我傾計

傾D佢學校D野,我就講下我學校果D野,又傾下邊科難讀

之後阿勤上左msn同我傾計

佢要求同我一齊,一開始已經拒絕左佢,唔知我可以捱到幾時!

之後呀生同阿勤都落左線,我都要準備返美容

當我熄機見到羽仔上左msn,佢同我傾計,我唯有比sms佢

一路同朋友撘車就同阿勤 send SMS,到我入左學校就停止send

我都唔知阿勤 要我同佢拍拖做咩,唉......

今日放學同朋友一齊,行出門口我又同阿勤send SMS,所以我行得好慢

同班讀美容o既三個女仔,佢地可能唔知我同前面兩個朋友係好友

佢地行過我果陣,我聽到佢地計劃,佢地話:「我地行佢地前面阻住佢地兩個行.」

隔左陣,真係行我兩個朋友前面,仲故意撞我其中一個朋友,擺明就針對住我兩個朋友啦~

但係我又冇事,我兩個朋友都唔知有咩做錯,令到佢地咁對佢

如果真係做錯左都好啦!希望大事化小,小事化無啦~

始終都係同班一齊讀美容丫嘛~無謂搞大件事

同兩個朋友去藍田買野,順便買生日禮物比貓仔

因為琴日佢生日我應承左佢會送禮物比佢

同阿生傾左陣電話

之後7點幾返到屋企,阿爸女友黎左

食飽飯開電腦,玩尼奧,同呀生傾msn,

10點到我令到佢唔開心落左線,我就跟住落左線

冇沖涼就訓左落床訓教,10點幾我訓著

阿勤打比我,我蒙蒙地,所以冇聽,費事我講錯野

之後系床訓著同佢send SMS,到11點幾先訓教

訓到2點到又同佢同佢send SMS佢係咁叫我比一次機會佢同我一齊

同佢send到天光5點幾,都send 左就黎100個訊息,

最後結果就係我諗下先,多幾日佢再同我講

究竟點解要咁樣對我?