新一日開始......
今日零晨3點起左身啦~可能早訓,所以又訓唔著啦!之後玩電腦
到左8點出門返工,唉......出門都好地地架
唔知點解個頭震下震下咁,返工行黎行去坐低再企起身有點暈,好似我面前D野都搖緊,好辛苦......
唯有捱著,如果唔係點做生意呢
返工羽仔都有比短訊問候我,其實心情都 OK
夜晚......
放工啦!去到中環地鐵站買票開始就同阿生傾電話,傾到返屋企都傾左成個鐘
原來我同佢o既野都差唔多係一樣,太巧合(說話內容唔公開)
同佢傾電話途中收到SMS,不過傾緊電話我唔知,同阿生收線後見到收信息時間係9:03,原來係羽仔
唔知點解佢知我累,佢仲叫我早D休息,我冇立刻覆佢
返到屋企沖涼,阿爸冇煮飯,佢煮通心粉,食完之後10點幾我就訓左落床
不過個頭都震緊,之後就覆羽仔,原來佢見到我o既 Blog,佢可能系果刻唔開心,又係我......
我諗佢之後就唔會咁,仲可能一去不回頭,所以下年睇下佢返黎係咪搵我啦~之後先諗
到左11:30到同阿生傾電話,傾到2點幾先收線,之後見到羽仔比我o既訊息,覆左佢
睇左佢o既SMS後,唔知點解我有種感覺好似好心痛咁
如果我同羽仔之前冇見面會點呢?係咪一切都改變呢?
傷到佢o既人卻係我,唔知點先彌補到佢
2點幾啦!覆左佢之後不停諗野,訓唔著,都係聽歌先慢慢訓著
|
