新的一日又開始......
今朝好早起身,之後玩電腦,到左8點幾賀卓上左MSN,佢咁早起身打機,我又咁早玩電腦,真係得意
到左9點幾我提早買定整沙律o既生果,如果唔係都唔知我幾時得閒可以買啦~
買完番到屋企繼續玩電腦
今日第一次突然
突然電話響,原來係養母,佢扮晒好人咁,話佢都唔想同阿爸報串
唉.....其實報串對我黎講唔緊要囉,最緊要係唔好屈我,屈人都要屈得岩,亂咁屈,屈錯人會害到人架嘛
不過事情已經發生左,只好原諒佢,我同佢講:「我明~~我係唔會做尼D咁無品o既野囉」
之後我話:「我唔得閒,拜拜」聽佢講完又喊,佢唔講仲好地地
點解世界有尼D人架?真係好辛苦
要學識寬恕人地,我地先可以接受人地對我地既寬恕(上主的話)
今日第二次突然
突然系我喊緊果陣,我收到SMS,原來係賀卓,佢第一次主動send SMS
佢為我而犧牲,不顧後果都係為左提早同我講--------------萬聖節快樂!
當我喊緊,就係佢既SMS,再次令我開心返(眼淚笑了)
佢雖然係有D cool ,不過我都估唔到佢竟然咁為我,好多謝佢
返學......
今日返美容好開心,去左明愛賓館上堂
不過放學唔知系邊度撘車,唯有撘的士去九龍塘撘地鐵,好係搞笑
今日的第三次突然
返到屋企都7點幾,突然阿爸又裝修整地下,唔怪得冇打電話比我啦~ = ="
果陣飯煮緊未食得,不過8點幾我就訓左啦~中午開始到夜晚只係食左小小麵包咋~朋友打電話都唔知
直到第二日5點起身 |
