| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| 今日...... |
分類: 未分類 |
上課......
今日我好早返學做功課
今日雖然要上第九節,不過上課都好輕鬆
朝日集隊,我阿妺拎獎-----英文書法第二名,真係替佢開心
班主任課都幾長,討論下個月去旅行分組,我個組早已經搞掂左啦~
最後包括我,六男三女,我係組長(櫻桃),仲有海狗(男方代表),組員(花名)周潤發、好愛馬、金絲猴、康進、笑口慧、阿成、鵬仔
之後有好消息,就係暑假入院既一個同學終於星期一可以重返校園讀書,不過隨時有問題又要入院
為左歡迎佢返黎4D班同埋塵祝佢出院,所以星期一開 party
每人交15蚊,每組整兩樣野食,我就整雜果沙律,仲有男方代表既海狗整菠蘿腸
本來組長同男方代表最大,係唔晒做野架嘛,不過唔緊要啦~
班主任課之後兩堂唔晒上,落左在禮堂睇 『幸福將來』既話劇,兩堂之後就小息
小息後兩堂英文,一堂測驗,一堂我訓左教,之後又小息
小息後兩堂經濟,不過兩堂都 send SMS,間中有聽書,之後食飯
不過又去左明星洒樓買飯偷帶上班房食
之後兩堂係設計與科技,得做一張工作紙,之後玩電腦
去上第九節既會計,老師話做完一題數可以走先
咁就返左一日學啦~哈哈
同學生日......
今日嘉朋生日,我琴日已經去買左禮物送比佢,希望佢可以同佢阿哥一樣成績都咁好 LA~
祝佢
生日快樂!
放學......
今日去買糖同萬聖節玩具又去探細佬啦!仲有教佢做功課
今次我要走,佢終於唔會令我咁傷心啦~好左D啦
今次係第二次探佢
夜晚......
食完飯去左散下心,諗諗今日同賀卓 send SMS ,佢返學冇帶傘,好才都冇落大雨,都放心左D
途中見到阿妹朋友既阿媽,佢女女同我阿妺一樣係讀中一
佢數學唔明,之後我上佢屋企教佢
之後行返屋企途中諗緊我阿妹會唔會有唔明呢~?
返到屋企,羽仔打比我,我冇聽,因為比阿爸罵緊,原來養母同阿爸報串
話我冇同佢講去探細佬,仲話阿婆唔見左1000蚊,養母屈死我,又屈阿妹
養母由我細細個開始就掐害我,好毒~不過我尤得佢,佢想點都阻唔到佢,只怪我太好
但阿爸由我細個到依家最鍚我,所以阿爸心中已經知養母對我既一舉一動係害我,只不過小事化冇,費事搞大,我同阿爸只好「忍」
依家仲屈我,雖然阿爸知我唔會做,不過都罵我
本來應承羽仔等等打比佢,不過心情唔好,又喊緊,喊緊點傾電話
只好蓋被偷偷哭,以為都冇得多D見細佬啦~ T T
訓唔著,又訓得唔好,第二日4點已經起身
|
2008 年 10 月 16 日 星期四  |
同學生日  |
分類: 未分類 |
今日係偉恩生日,雖然你比班上既人話你幾前年飲大頭奶粉D奶,所以D人話你大頭怪,但你點解一D表情都冇呢?
不過算啦~佢地貪玩,講下笑姐,不必記系心度,
過左生日又大一歲啦~祝你生日快樂~學業更上一層樓 |
| 2008 年 10 月 15 日 星期三 |
放學後  |
分類: 未分類 |
放學後......
因為琴日既事,我更加想知細佬依家點樣,我今日放學冇野做,所以就去細佬幼稚園度等佢放學
去到我見到婆婆接緊細佬,我同婆婆傾左幾句後見到我細佬出左黎,跟住上左佢屋企
隔左個幾月,我拖佢,初時佢都唔制,不過後來都比
佢高左好多,識好多野,仲好開心見到我
連我既名都記得咁姐仲記得我尼個家姐,我都幾開心
我買左架玩具車同D糖比佢,同佢玩左一陣,系婆婆準備幫佢沖涼果陣,我要走啦~
但係細佬要跟住我走,我同佢講:「家姐下次再黎探你,你乖乖系度跟婆婆、跟媽咪.」
佢都係唔制,我就話:「家姐去買菜、買魚返屋企煮飯啦.你乖乖去沖涼啦!唔好沖咁耐喎~如果唔係會冷親架.知唔知丫?」
佢個樣苦苦咁同我講:「知!」佢同婆婆都企系廁所門口,不過佢都唔入去沖涼
婆婆同佢講:「家姐去買菜,等陣就返黎.」我都話係,佢冇出聲,我仲以為佢又唔制,我驚佢喊
所以陪佢入廁所仲涼,不過佢竟然轉頭望住我,拖住我既手好開心咁
同我講:「家姐你去買菜啦~,仲有買魚,買多多比我食,你快D返黎喎,力宇好乖沖涼,唔玩水.家姐拜拜」T T"
雖然佢終於比我走,但係我個心好唔舒服,好唔捨得咁同佢講:「咁好啦~我會快D返黎架啦~你乖乖啦~家姐走啦~拜拜.」
講尼句話果陣,我好想喊,不過我忍住唔喊,仲扮到好開心既樣,不過我既眼已經水汪汪,只不過忍住唔流,好辛苦
佢企系廁所門口一再二,二再三咁講拜拜,我都忍住用平常把聲應佢
我知我忍唔住喊,又唔想比細佬見到我喊,所以好快咁行出門口走,一邊要應佢既拜拜
行出門口回頭望佢一次,我知我再望落下就會系佢面前忍唔住流淚,望完後就幫關左鐵門,轉頭一邊喊一邊走
行到走廊仲聽到佢講:「拜拜~家姐~」愈聽愈喊,行返屋企途中都一直諗我冇再返去,細佬佢會點呢?
到夜晚我阿妹知我去佢屋企探過細佬,佢問我我見細佬既情形,我話比佢聽後阿妹都喊
跟住我細佬聽電話叫家姐,我應佢,同佢傾左一陣,佢因為掛住我而喊,搞到我又喊
之後阿妹又聽,我話:「好啦~你叫細佬唔好喊啦,早D訓,我訓教啦~,拜拜」
我唔想佢聽到我喊,亦都唔想阿爸見到我喊,所以收線後就收起功課唔做就上床蓋被連頭偷偷流淚
給細佬的話:
我唔想扼你架~希望你唔好喊啦~真係對唔住~
你要記住唔係家姐唔要你而走
雖然你同你家姐都唔係我親生弟妹,距離又遠左,見面都少左
不過家姐心裏氶遠都一樣會咁愛你、咁鍚你
|
« | 27 | 28 | 29 | 30 | 31 | 32 | 33 | 34 | 35 | 36 | »
|
