今日做左D咩？
1:00p.m.出發，去巴倫紐買飛睇Sherlock Holmes
睇完之後就搭西鐵，轉地鐵去西九。
去到西九呀Kay係咁話要溜冰...我叫佢下次先...因為我溜冰要帶對默
跟住係明將食壽司，食完就去尖嘴。
去到周圍行下，去埋Sogo，買聽日交換既禮物=3=
買左橙味朱古力，同埋買左枝野飲。 回程搭西鐵，因為方便。
番到屯門，搭505，我行去有得唉果度，姐係打橫果舊。
隔離有個肥佬，當架車由屯門站開出，去到一半，突然有個呀叔好大聲話：「你咩態度！」
跟住個肥佬話：「你踩倒我呀！我叫你唔好企禁埋呀！我岩岩先病完！」
呀叔就用手叉佢頸。
之後肥佬禁制，架車就係建安站停車，司機用咪問咩事，個肥佬好大事咁答番司機。
然後一輪爭執推撞，另外有個男人話佢地兩個阻住成車人，呀Kay係我隔離就報警。
個司機行埋尼調停，點知個肥佬越講越激動，又無啦啦拍我隻手，問我見唔見倒。
我個身不由自主另轉面，背向佢。
因為我唔清清楚最初邊個唔岩，個呀叔叉頸故然唔岩，但佢兩個禁激動，禁噪，我驚我講錯D咩，會得罪是但一方。
個肥佬同個呀叔推撞一輪就落左車，司機跟住佢地，個呀叔老婆都幫手攔住，但都係幫住呀叔
呀Kay走出去話報左警，就番入尼。期間有個女人係旁邊一路傾電話一路同人講個情況= =
司機上番車，有個男人(話佢地阻住成車人果個)，係月台幫手攔住。
於是架車就繼續開。
但我依然覺得自己好似好懦弱，做錯事呀咁，我好似唔應該另轉身唔出聲...
祝大家聖誕快樂！ |
