[阿康..生日快樂呀!!~]

          今朝返到去啦,丫蕉同我講話佢阿媽唔俾佢去海洋公園~{晨讀}...本書唔錯,起碼唔會令我入睡~跟住{PE}x2變哂{自修}呀...咁就狂係度溫書啦,{中文}要背書;{佛學}要小測:{英文}要默書...溫到我睡埋覺添,跟住無聊得濟就畫畫+玩擦膠碎~跟住到左{數學堂},黎個小測,都有少少難做o既感覺,之後對答案就覺得易爆,勁係奈囉~{中文堂},話背書的,講講下講左我地篇文點好點唔好...d文都幾好笑~小息佢又話可以去了~{RL}x2啦..派張Initial-D 黎俾我地做影評之類咁啦~跟住又係講我地作o既文有咩錯處...講左好耐耶,跟住派返又俾我拎到最高分,吹脹,做埋[fair copy]就落堂嚕~

         {Lunch},今日二打佢地都出黎食,超開心,去左[角落]食,又話夾錢請阿康食{lunch},點知佢地話我請佢食{晚飯}~一路食又係度講笑,全全又係笑過不停,之後家產打俾二打,話過黎,話:「今日阿康生日喎,梗係倒哂老豆老母d米飯過黎食啦」,點知我地走果陣佢先黎到~返到學校,阿WING佢地買左蛋糕俾阿康,佢地成班就係度食啦,我就上返去先~{佛學}了...個小測好雖然溫左,但好似寫錯左野咁~{英文}堂,成堂都係差唔多默書嫁啦,應該好低分下...~

        放學了,等左呢個時間等左好耐嫁啦~出到學校門口,見到阿YING,佢就送我去左蝶意...上到去,姑姐&姑丈都係度,放低D野,阿爸又叫我落去拎野..拎完上返黎本身諗住淨係換衫,點知去左沖埋涼~搞掂好哂,姑姐掉低$50話:「俾幾廿蚊你去買野飲啦」...我就好無奈~去左7仔搵禮哥,重見到SKP&蛇乸添~跟住就過左M記,等埋阿康&阿MING,禮哥就去左買野食,我就係度等~跟住過多幾陣,阿康黎左,MELODY&莉娜都過左黎...跟住我地唔知講左D乜,禮哥醒起唔記得入功課,佢就拿拿臨跑返屋企開機...之後MELODY&莉娜都走左~我同阿康就出左去出面兜..之後又返番去M記買杯野飲,阿MING&禮哥都黎左了~咁就行過去搭962了..等的途中,阿吉係咁話:『落緊黎落緊黎』,之後有架車黎到,阿MING叫我地3個上車先...

             出到去金鐘啦,買完張飛就搵丫蕉,佢黎左好耐了...搵到佢之後我同阿康就落左地鐵站買下野咁~D野超貴囉...買完上返去,阿吉&阿MING都到左嚕,之後排多一陣隊就上到架629...係架車上面勁玩~到左<<目的地>>了,果陣係7點幾到啦~入左場,就同禮哥去左洗手間,我地唔知講咩屎忽鬼,之後廁所有條友係度話:「邊度有鬼!?」,嚇到條友死咁濟,超好笑~就去左睇頭飾果D野,阿MING買左個雞后宮~跟住行入少少,就見到有一個牛面新朗&妖面新娘係度同D人影相..打後我地就行左上去動感影院嚕,[第一次]玩嫁咋,排左勁耐囉~入到去,綁哂安全帶就OK了..開始,有個妖女係度帶我地走咁,個坐椅好似玩緊過山車咁,最深刻就係個妖女架車係度飄移,超勁~玩完呢個之後,勁HIGH,因為狂叫,乜都叫哂出黎~

             跟住過左去果個粵曲鬼屋,勁恐怖&排勁長龍,所以無去到~咁就搭左架巴士上左山上面玩啦~上到山到,阿MING、吉&阿康就等C奶&長毛啦~我、禮哥&丫蕉就上左去排果個越礦飛車...[第一次]玩咋~一上去見人玩果陣超激,勁驚的~之後排左成個鐘咁濟,就到我地玩了~果舊安全野對我黎講好鬆呀...開車,一開頭就好緊張啦,捉住舊鐵實一實,丫蕉{癲}的,放開兩隻手重要係度狂歡,跟住一衝落去,嘩...好似成個人[飛落街]咁&好似有舊野[擲你落去]~之後重要[掟彎衝落去],我就成個偏開左重要離心力勁重,我就勁嗌~玩完之後成隻手出哂汗,不過都幾好玩,想玩多次添,睇返自己幅相,超好笑~

           跟住成班落返去果度,諗住搵個鬼屋玩,就揀左果個<妖怪陣地---驚慄馬戲班>~行去排隊果陣,見到有個小丑妖係度玩FREERUN,勁型~又係排隊排左勁耐,係咁係度玩~之後入到間鬼屋啦,我地{8個人}差唔多痴住哂黎行....一開頭『有隻小丑話:「入黎啦..好好玩嫁@3@」,阿吉就問:「係呀?!」』,幾好笑的~入到去,D小丑成日無啦啦係D你唔覺o既位到[彈]出黎,嚇QQ死,我地係咁爆d英文出黎,係英文就爆,跟住有隻野以為係假,點知係咁追住我地,我地就係咁跑係咁撞黎撞去,超惡搞~玩完之後,就行落去玩機動遊戲啦,途中我地同兩隻小丑妖影左張【大合照】,重同兩隻小丑吹水添,勁NICE呀~

           果陣11點幾嚕,諗住玩[海盜船]的,點知佢截左~又諗住玩[過山車],也是如此~就去左玩[摩天輪]...等的時侯見到有條友勁似周杰倫,都唔知係咪佢黎的~轉三個圈望下風景咋,悶到爆~岩岩好12點了,我地就排隊搭[吊車]...排到1點到啦~就上到了...我地分開左兩架黎坐,咁C奶就係咁罵阿MING佢地架野,因為逆風關係,D聲傳左過去後面,後面班友全部認哂,超好笑~跟住佢地係度大嗌[[生日快樂]]...果陣係1點幾嚕~之後搭返629落金鐘,係巴士上訓左陣啦~

        落到巴士站,荒無一遍的...之後搵車搵左勁耐,果陣好有NOBODY's HOME feel呀~最後係要過對面搭的,我有車先呀,969..上左車就訓左勁耐呀~之後去到天頌落車...行左勁耐先返到屋企,途中成條街都係[空LEL LEL]的...返到黎都係3點幾到啦~

                            海洋公園夜景↑                                    ↑摩天輪下的景色

    ←扮鬼扮得好似        ←哈..好笑                      

D頭髮長左呀...篤落眼到,好辛苦呀~

            返到去,都幾悶下的~{視藝}..睇果d圖,悶到嘔,訓..之後又抄野~{物理}...默書,全部都識,但唔知係咪岩哂...我隔離位默得好((輕鬆))~跟住半堂都係笑住上..專心唔到係黑板~1堂打後成個人好似發燒咁款,之後又要計數..唉~到{數學}了,做d英文題姐~{普通話}...成堂無聽書,淨係係度吹水咋~{lunch},去左啟豐果間【為食喵喵】食,間野d野食都ok的...返學校果陣同全全傾HxH,超想睇返囉~之後就到{中文}x2嚕..唉,訓鬼著左,之後重俾miss話左幾句~跟住就精神返聽書咁啦,好悶呀~

            放學了,去左借書,跟住就做下功課咁啦~做做下校公趕我地走,咁就落左去圖書館到做,恆D唔洗返{[數精}},因為得4條友返,解散左~做完之後,就去左HEA啦,跟住就搭車去左阿龍"s屋企啦~去到佢屋企,就玩PS2啦,玩<三國>,用呂布勁贏囉~之後就玩<WINNING9>,第一次玩咋-3-,成日都俾警告,煩爆~又玩下D雜雜GAME啦..10點到就搭車走人嚕~

『誰要日夜扮細路,亦知膚淺不算好』