{電腦堂}...唉,悶到爆,係度cut部psp,有得睇無得玩~{中史}啦...訓左大半堂咁濟...SHIT~{英語堂},又係咁過~{化學堂}..一路望住徐國良個樣,一路諗住魚蛋歌,真係好鬼好笑,跟住對住果D原子野都幾熟嫁啦~{佛學堂}..小測而已,難不到我的~哈!!~

           { LUNCH},四個去左[角落]到食,係度講臨左D野...我要做皇帝,笑死~跟住返去果陣見到阿布,阿康同我地講話阿布臨左果陣叫佢左M.JACKSON,事後原來係想叫佢做M.佐敦...總之笑蕉死~跟住就{生物堂}了...默書,跟住發覺自己唔記得帶NOTES...唉~

           放學..去左玩下咁啦~之後就睇下班足,睇左一場咋~搭A73果陣,塞車呀,7點先返到去~係屋企...食完飯想做{視藝}野,點知無a4紙,就拿拿臨標落街買~買完上返黎...玩左陣q啦,幾happy的~

            今日11點9到出門口,今日都估到有A73搭的,因為係[公眾假期]...去到{萬寶},就即刻認到Melody、Ying、SKP&莉娜,因為有兩個戴帽...一個戴得好正常,一個戴到好似去旅行咁~跟住唔知點解阿YING變左八婆,我變左八公~上左莉娜屋企整{BANNER}...佢地買哂野嚕~係咁剪剪剪,都幾辛苦下嫁,跟住完成左個底的一半,跟住有兩條友拎我做佈景板係咁影相,之後又俾人推黎推去,撞到勁多野...最激係撞落牆到,痛爆~

            同YING&MELODY落左去買野...首先去左買布先,行的途中,見到D野,發覺<世界已經變了>...跟住間野係左邊,點知轉左右邊,就兜左勁耐先去到間[晶晶]..買完就去左M記買野食,排排下隊見到有條友仔勁似[[詹瑞文]]...笑死~跟住又見到條友勁似某人...之後我同佢地分頭行去7仔,要幫SKP買思樂冰,我又唔知要買咩味,就買左忌廉,點知佢地行到過黎話要買可樂味,搞到要生飲果杯野~

            上返去,食埋野,莉娜煮左好多野食咁~食完之後繼續工程,整到5點幾...搞好左個底了~之後整個3A上去,整到剛剛7點...莉娜要趕住走呀~整完之後好有滿足感,好靚嫁~~返到屋企,留左飯俾我,好好餸,不過好熱氣~之後就玩果隻IGI,終於爆到一關~