有一位老婆婆個子唔高，但係好肥，行路既時侯需要拐杖支持。每隔兩個月老公公都會倍老婆婆到醫院覆診，因為老婆婆患有高血壓。某夜，老婆婆左邊身麻痺入院經過電腦掃描顯示右腦出血。我如實的話比老公公知，佢無出聲只係無奈咁望住我淚水已經湧現。 第二朝早在我意料之外，老婆婆既情況唔係想像中咁壞而且頭腦清醒。入院之後既第五日，老婆婆問我：呢兩日伯爺公點解無黎探我既？一個實習護士話比我聽，早兩日老公公突然心肌梗塞住左響對面既男病房。兩老無兒無女最親既都只係姪仔。今日，姪仔帶左兩樽果汁黎醫院，先去探老公公再去探老婆婆。過左幾日，老公公既病情剛剛穩定就嚷住要出院照顧老婆婆經過一番溝通之後，主治醫生諗左一個折衷辦法，首先老公公換番自己既衫，坐住輪椅由工友推到女病房門口，而為左安全起見，醫生護士都要跟埋老公公一齊入去，老公公蹣跚地企起身，手執果汁，走到老婆婆床邊話：買比妳飲嫁。老婆婆嗲起黎：呢幾日唔見你既伯爺公，咩事呀？病左咩 ? 老公公微笑： 唔係呀伯爺婆… 姪孫結婚啦我要幫佢打點一下嘛。呢一個，係我咁耐以來聽過最動人最感動既一個謊話。人生就好似變幻莫測既天氣， 雖然可以預料，但往往都出人意表… 老公公既心臟日復日咁康復，準備出院那天，病情突然惡化, 撒手塵寰。姪仔辦理完死亡證明之後就黎搵我要求暫時唔好話比老婆婆知，因為老公公死前遺言：照顧伯爺婆，唔好話佢知我既事 ,唔想佢受剌激。呢個時候，無一個在場既人唔感動唔流下眼淚，包括我…當日我巡房既時侯老婆婆又問：伯爺公 D果汁喝晒啦點解佢又不見人? 護士強忍眼淚：妳唔記得左咩? 姪孫過兩日結婚啦！老公公要幫手嘛。第二朝清早，我發覺老婆婆床頭多左樽瓶果汁，聽到護士同老婆婆話：老公公剛黎過，佢見妳訓得咁甜，唔捨得叫醒妳 ,放低果汁就走左啦。當護士一轉身發覺我企響度既時候， 立刻雙頰通紅。我微微一笑，拍左佢膊頭一下 , 慶幸佢果顆愛心不為歲月冷卻。當日下晝,護士長察覺坐響梳發對住窗望風景既老婆婆無左呼吸，我迅速跑去一手抱起老婆婆，再聯同護士將婆婆放上病床急救…搶救二十分鐘之後，我宣布失敗我一邊寫報告記錄，一邊諗起「陪著你走」既一句歌詞：如果，走到這世界邊端，我倆已是無力前行跟我一起飛去……護士長走過黎同我講 : 估唔到你咁大力，竟然一手就可以抱起老婆婆。我只係報上微笑，因為我已經唔想講任何野，我怕我忍唔住眼淚……老婆婆的確好肥，但係好輕，因為佢既靈魂已經跟老公公飛走左啦……
"愛" -- 雖然只係一個字、但係無人或任何事物可以具體咁解釋呢個字……正如糖好甜、花好香，愛…又真係無得解釋，你要用心同親身體會先可以感受到。即使天會變、月會圓、花會枯、人會老！真正既愛…唔應該堆藏響心裡面、祗要用你的心去體會、去感受、去領悟……請珍惜你身邊既人！
|
