殘廢無啦啦打黎問我打唔打啤牌?我見咁悶未話打囉  殘廢約人黎我屋企  我突然間又唔想打  想落街so叫佢地落街啦  我call丫肥  佢聽倒我把聲有d驚呀&開心:{點解我會打比佢}  嘩~好耐都冇落夜街咯  我&殘廢坐起漁逸樓一邊打啤牌一邊等佢地黎  好kai呀兩條友坐起度打啤牌  人齊咯~我地覺得呢果度打好樣衰  so就去左平逸樓樓下打 

      點知有個丫婆行埋黎聊我地講野  我都唔知個丫婆up乜野 但丫婆講D話好好笑  我地狂暗住個咀起度偷笑  哈哈... 都唔知佢講咩話  開頭我以為丫婆講下家話既 心諗:{唔驚 ...丫皮&丫肥係下家人黎架嗎  實識聽啦!!}  點知我地都唔識聽  咁好明顯丫婆唔係講下家話啦  我地4條友冇個係聽得明個丫婆up乜既  丫婆就一撚咀咁講  我地就狂(嗯....懶係聽得明咁) 之後冇理到佢就繼續打牌  丫婆無啦啦話丫肥 好大過一定結左婚  丫皮又加鹽加噪話:{係呀  佢結左婚咯~仲有左2個月BB添}

       我地打打下牌  個丫婆拎住條電話繩諗經  之後行埋丫肥度幫佢掃背脊  嚇到丫肥即卡彈開左  丫婆呢個義色係祝福個BB架  哇卡卡....笑死我地   跟住又行埋黎我度摸我隻耳仔  狂話我隻耳仔生得好靚  搞到我都有D驚  總之個個都有比個丫婆話過啦  但聽唔明佢UP乜姐 

      我地索性走去打排球  廢事個丫婆搞住我地  打打下高佬&勝哥都黎左  好多人都唔識打既  執波多過打波  索性玩數字球仲好過  玩到11點幾就各自歸家咯。5

 哎~諗住星期六溫書架嗎 

 點知溫極都唔入腦 

星期日大家車結婚又唔得閒溫 

咁就無無聊聊咁晒左星期六 

大家姐佢地走先 

我&細佬&貓咪就晏咒先落去 

我&貓咪要幫大家車拎蛋糕

  細佬就去左聯邦酒樓 

諗住叫佢拎蛋糕添 點知走得鬼死咁快

  嘩~我拎住3P CAKE仲要行咁遠 

拎到我隻手鬼死咁痛 

入到酒樓都冇乜人黎 

       我同田雞吹水 

突發間有個令仔入左黎

  田雞就叫佢2佬 

我都唔知佢係乜水 

原來佢係陳小航 

死野呀!咁耐冇見令仔左咁多既  

 我坐起門口成隻看門口狗咁講:{wellcome  請簽名}

無啦啦小航&彬過左黎陪坐 

仲同小航串咀仔 

幾年前我同佢BBQ果陣我幫佢改個花名叫牛屎 

      但我今晚幫佢改過個花名叫〝弱智狗〞 哈哈

  我仲摑左佢兩巴 

又係咁搞佢個死人頭 

跟住佢個fd呀陳石彬好細聲咁講:【你就好啦  咁受歡迎】

心諗:(你唔係妒忌呀!)<<呢句話如果我同佢熟既話一定會講出黎  冇計啦

  鬼叫我同你唔熟咩 

如果唔係我實串埋你架  我:{喂~唔好質質駁啦  唔洗比人情呀!} 

佢比完  我叫佢簽名  條友勁KAI  話唔記得自己叫咩名 

我:{我記得你叫咩名喎  你叫弱智狗丫嗎  等我幫你簽啦} 

跟住我幫佢簽『弱智狗(陳小航)』

跟住佢D  FD狂笑佢  弱智狗無啦啦話打啤牌 

佢地走去打牌  但呀彬叫我一齊 

哎~我都唔可以玩我要看門口呀 

      本黎8點開席既 

但D人都未黎齊又要等

  等左一個鍾先齊 餓死我終於可以開飯咯

  豆腐狂聊呀彬斗酒  弱智狗又飲 

點知呀彬飲左杯半已經暈暈地

  點知果個豆腐又聊呀彬飲 

佢地狂咁飲  最尾佢地兩個都醉左 

呀彬勁搞笑  醉左係咁狂傻笑

  開頭幾氣友扶住呀彬行既

  但呀彬成身無力好像軟腳蟹咁 

好搞笑  呀瑩條仔揹呀彬落去搭的士 

但揹唔夠兩步呀彬就跌左落黎 

最後幾經辛苦先送到佢落去搭的 

哎~我就慘咯  留底執頭執尾  

返到屋企都1點幾 

又未溫晒書 諗住訓個幾鍾起身溫書 

點知訓過龍   見倒6點幾即卡陣起身溫書 

好彩社會唔係好多野溫炸 

如果唔係呢科又肥佬架啦。  

   4

               琴日考完試我地一齊出去美食芳食野 廿幾蚊大大碗食到你死咁制  哈哈...我地食完Be li先黎  坐起度又無聊  我指住後而果棟樓《嘩一聲》跟住佢地個個都望後去  佢地以為我真係見倒人跳樓  哈哈...咁都比我昆倒  be li食得好慢  我又好飽喎 so未出去行下囉  本身殘廢話陪我既  無啦啦又唔陪喎  其他人又跟埋黎  美食芳門口有個洞  我叫丫皮捐過去  條友捐左一半就出返黎  之後我就好似火車捐山洞  轉返出黎 同佢say 『喂!!!』點知前面有幾個男人望返後見倒我咁  仲要偷笑添  哈哈...

     miss約左我地補12:45數  點知遲晒到  返到望班  嘩~勁多人  有d仲要唔係miss教既都黎埋  想問野又要排隊  做左幾個鍾都係問左幾條數  原來我好多都唔識  心諗:{今次數學聽死咯~} 

     一返到屋企第一時間沖涼  沖完即卡溫數  溫溫下又識  我唔係唔識既係唔記得點做姐    今日D數學唔係好難架炸  全部識晒  除左MC有幾題唔識做之外  好開心!!!  唔知點解考完成身震架?  可能緊張過度啦  有樣野好唔開心既就係科學晝圖晝錯左起問題紙度  咁就白白冇左10分  哎!!3

                今朝小路寶7:30分先打黎叫我早返排戲  哎~又唔早d打黎  果陣我都未換衫邊趕得切呀? 之後我都冇理得佢 照返平時個時返學  隔左陣雞咀又打黎叫我帶野  但我搵唔倒  返到去主角都未到  排鬼排馬咩! 都冇時間排戲架啦 仲要係第一堂就係音樂堂想排都唔得啦  都唔理得咁多架啦死就死啦  miss叫我地自己落去音樂室  

     落到去  牛奶華幫大麻成扎孖辮  嘍住大麻成&朱朱佢地就換衫  大麻成扭扭令令咁又唔很換衫喎  成個大細路咁   本來我地係第4組先演既  但有一組d音樂仲未得so我地變左第3組演   我地入左樂器室排戲  但排唔夠一陣miss叫左我地出去演  首先咁係兩位主角出埸先啦  而我&雞咀企埋一邊驚 驚到成身都震埋  話咁快就到殘酷一叮果1part  小林林扮丫jay  而丫雄就伴唱  丫雄唱歌就係好好聽呀  唱完咯 

      到我出埸  扮William_Hung 【she ban  she ban  oh~baby  she move  she move   i go crazy  蘋果加枚瑰  令你更嬌麗】  嘩~成班友拍爛手掌叫好  又笑得大聲   唱完  返埋位但隻腳狂咁震  到左尾牛奶華無啦啦叫我encore  做緊戲架嗎  唔出黎唔係咁好   so未做多次囉  點知有d人拎部手提出黎錄低晒  我好唔鍾意佢地咁錄我囉  雖然係好笑但都唔好咁做丫嗎   我真係好驚佢地擺上網  我真係唔想成為第2個巴士丫叔囉   我好唔開心咁趴起度  東東&雞咀係咁推我問我發生咩事  但我冇理佢地  東東&狗屎達第包紙巾比我  佢地以為我喊  傻既我點會為左呢d野而喊  最多唔開心姐 

    希望miss唔好抽中我果組上台表演  不過就算佢中我地  我打死都唔會上

2

           望下個鍾  咦~乜咁晏架啦  家車又訓緊教喎  so未自己煮飯  好辛苦咁煮好晒  叫佢地出黎食啦  點知家姐由開飯嘈到食完飯仲未嘈完  條死務理談三談四又話呢樣煮得唔好食果樣煮得好難食 講到我煮d野好似真係會食死人咁 又話:{哎~指意你煮飯就死得人多咯}我問細佬我今晚煮d野係咪真係佢所講咁難食  細佬話唔係呀  死務理一直起度嘈我一直都冇出聲  到我入左廚房佢仲嘈住咁跟埋我入去  我忍無可忍鬧返佢:{你好煩丫  成隻嗚英咁} 之後沖左入房玩電腦。

1