噢~~~由聽日開始逢星期一、三晚上7 點至10點要上堂學日文，

暫時都預計唔到會係點，不過第一次實係會比較緊張再加少許期望嘅...

琴日幫主力團買小食，先去買汽水拎番教會，撞到阿蘇亞雄哥哥，佢行得都幾快，

我就喺後面跟住，佢上完樓梯先見到我，我問佢係咪去打波，

佢話謝sir約佢312，我話謝sir重喺教會，咁就一齊到。放低汽水再去買少食，

走嗰陣好似聽到D野，落番條樓梯轉右，行到雲南見到雄生，

梗係順勢蚊埋佢一齊去啦。喺同一日為着同一件事就見到兩位雄哥，

都算有緣。

今日一家親主日，唔......都冇咩特別......一切如常。嘩~~~~~近睇D馬，

都幾高大下，可惜嘅係冇得試騎，心願未了。回程途中，

見到一駕反咗嘅私家車，四輪朝天。到步後，照舊四個人去睇戲，

睇[幽靈車神]，麻麻地啦~我唔抗拒戲情比較多，又係講嗰D啦。

不過我睇咩戲都係好專注去睇~~

我真係真係好鍾意你......嘅安排，

每次都係喺出人意料之外而黎，

雖然唔係好特別嘅事，

但係呢份驚喜，呢份提醒，

令我感到從你而黎嘅力量，

從而有力量堅持我嘅前路。

當我開始重新振作嘅時候，

需要處理嘅事就即刻黎，

你嘅力量真係一場及時雨，

同時驅散我眼前嘅迷霧。

今日返到屋企，食完飯就瞓。瞓到22點幾先醒，都唔明白點解會咁攰?

由大陸返黎開始，晚晚都冇咩胃口食飯，就算食都係淨係食一碗，之後就瞓......

放假等於冇放，仲攰..........身體...好似...唔係自己嘅身體............攰...就冇晒食慾......

左邊背脊好痛lo......喺公司做做吓野...無啦啦陣陣灼痛... 

......男朋友.....?唔知喎~~~~~喺而家呢個世界，好多事情都變得好難可以講得清楚...

無法啦......個個都話有苦衷丫嘛......聽新聞講打官司，都話律師幫被告求情，

話當事人乜乜乜，所以先會犯罪，而家已經有悔意，希望從輕發落等等等等......

呢~~~又地震啦......末日到啦...... 

混亂...???或者啦......唔係，係直頭係混亂!!

冇錯...雖然早兩年係心裡有聲音提醒我(唔知係咪聖靈)

"要好好防備，呢個世界會越來越混亂，會令人混淆不清..."

......氣開始慢慢咁洩漏，解決方法有幾個 :

1.  由得佢繼續漏，不了了之

2.  搵出個源頭，整番好佢

3.  索性吉爆佢，當冇件事

混亂......我點都要搵出個源頭。最困難係要點樣整番好佢，同埋要用咩整...

辛苦...???都會嫁...

試問有邊個唔想自己心愛嘅人可以了解同接納自己丫，不過對我黎講都係將來嘅事...

其實兩個人相處，就要彼此欣賞同接納。呢個世界冇人係完美，你自己都唔係完美啦...

你冇可能去改變佢，咁做嘅話你唔係愛佢自己本身，而係你想佢成為你心目中嘅理想情人。

除非係佢自覺需要改變，咁先會長久，如果唔係好快打回原形，咪又嗌交，勉強冇幸福呀~~~

都唔係我一個係咁諗嫁。同埋雖然我係有睇過與心理有關嘅書，但係我唔會用黎作為一種手段，

君子係坦蕩蕩嫁媽~~~而且都隔咗咁耐，咩都唔記得晒啦。我嘅終生幸福我有分數，多謝關心~

當我處於精神極之疲乏嘅時候，就係防禦最弱嘅時候。

呢個狀態我個腦袋會運作唔到，會聽唔到你想表達嘅意思，同埋聲音會自動調低...

所以如果係說話上有咩得罪或傷害你嘅地方，希望你會原諒我啦!!

唉~~~白行一轉...