今日返到屋企食完飯，睇番手寫嘅日記，敘事嘅日期係05年1月29日，
已經係差唔多2年前所寫嘅。寫嗰陣時係.........喺係KTVTC讀工商管理文憑嘅下學期。
不過本日記簿淨係寫過兩次。第一次寫喺係04年7月24日，同第二次寫相隔半年。
呢本手寫日記簿嘅內容同性質當然同喺網上日誌嘅唔同。
原本買呢本手寫日記簿嘅時候係04年2月尾，係為咗要做門訓嘅靈命，
以及喺當中有D事情或感受想有個記錄，以便日後用來回憶，
但結果寫嘅時候係同門訓冇關，只喺寫事情同感受。而家睇番，睇法同感受實係有唔同。
踏入07年，有好多野都想寫出黎，不過都係寫喺本日記簿度，
因為可以更加詳細咁寫自己嘅心事。同埋之後打番開黎睇又別有一番味道。
琴晚發咗個夢，到而家仲係緊緊於懷。細節唔多講︰
喺巴士度，有個細路女喺我面前跳出去，跳喺駕巴士前面，駕巴士係行緊嘅，
駕巴士就到嘅時候，嗰細路女縮低等巴士行過，但不巧，佢縮低嘅位置咁啱係巴士嘅右前車碌度，
佢個頭就...........。喺嗰時嘅我呆咗，事情發生得太快.........不過都只係一場夢，但就有好深印象。
唔~~~~~~應該可以一年寫一次~~~~~ 瞓陣先–..–好攰︶..︶ |
