時間所剩無幾，係時候講定聲"拜拜"，年二八都冇時間清理自己嘅房間
這篇日記係起行前嘅最後一篇，所以都冇咩好打，雖然冇後顧之憂，
但總係覺得...仲有d野未做，諗唔起究竟係咩事......
喺戰場上係咪真係要冇憐憫、冇仁慈、冇良心......
當打起仗上黎，為著自己以及同伴，真係要半點仁慈都唔可以有...?
始終打機同現實係兩回事，對於呢個自己問自己嘅問題，我冇回避過...
始終我真係唔鍾意紛爭。
求父上帝賜兒子有智慧、勇氣，以及藉著聖靈教導兒子如何去打呢場仗。
兒子相信人雖然有無限嘅潛能，但兒子都相信人始終都係有限制，
兒子相信只有祢先能夠承托兒子，兒子好想再尋求祢嘅面。
喺呢個階段，兒子總是覺得欠缺一d野，一來是懶，二來有好多祢俾兒子嘅特質，兒子冇好好咁將佢哋發揮出黎。
因為那時不斷被人讚同埋欣賞，話我EQ高、好好人、溫柔、有耐性、親切、比以前成熟開朗等等，呢d都係被祢陶造出黎，
但讚得多我開始驚...會有太多責任會冇自己嘅空間；我驚我會被困喺傳恩堂入面，
以致我唔可以喺出面去增廣自己嘅見聞，廣闊自己嘅視野。
始終都係二字出頭，唔想被局限冇長進。不過客觀因素係嗰時教會正值出現斷層，需要新血注入，
所以我先辭職番教會幫一段時間，而且好耐冇番過除咗崇拜，加上嗰時係教會同埋洪牧師都處於低潮嘅時段......
其實當時觀察敏銳嘅我點會留意唔到，嗰種感覺強到唔洗刻意留意都feel到，不過我唔理，做好我自己，因為我信嘅係祢。
嗰時同祢真係好friend，我好鍾意嗰種感覺。所以雖然嗰時多是獨來獨往，但係我唔會覺得孤單，我嘅力量都係由祢而黎。
呢次嘅離開，我期望我可以廣闊視野，我唔想做井底之蛙。尤其是而家未有拖拍，有機會去就好去。
藉住更多嘅體驗，讓生命可以燃燒起來，造就更多嘅人。
呀~~~有相簿就唔好浪費~~~~~~
|
