自08年年尾裝左個收費台之後，睇多咗d台灣節目，覺得台灣d遊戲節目雖然都有抄架啦，但比香港果d好睇一百倍喎，嘉賓玩得仲放添，冇太多顧忌。另外，愈睇台灣節目，愈覺香港的主持界真係斷層，能擔大旗既根本唔多，連稍為OK的Amigo都因為中巴事件而停工啦!相反，台灣的主持們各有各特色，他們有分「A咖」跟「B咖」，前者指的是一線主持，好似哈林大哥、憲哥、乃哥和城哥等等；後者指的是諧星，輔助A咖之用，有小鐘、Nono、鍾欣凌、陳為民、王彩樺、白雲等等，有時候B咖所掙的錢也不比A咖少的!你看，我隨意也能說得出那麼多的台灣主持名，反倒你叫我說一些有人識的香港主持名，真的少之有少，現在較為活躍的只有曾志偉，獎老錢嘉樂也不錯。但對比台灣，真係輸人又輸陣!

講多無謂啦，立即回顧本人睇過的台灣節目啦!

1. 齊天大勝(另名：綜藝大勝戰)
主持：吳宗憲、小潘潘、小鐘、王瞳
憲哥係台灣的綜藝天王，在這節目完全充分表演了出來，有時候亦會到戶外玩遊戲，最喜歡是《白目兄妹》，嘉賓們會對路人作出一d好白痴事情，好像扮超人、當眾沖涼(當然冇色情畫面)等等。《憲在不准笑》都好好睇，主拎會叫嘉賓做一些引人發笑的事，但其他嘉賓就唔准笑，一笑就會畀人打。

2. 快樂有GO正
主持：謝震武、劉真、楊千霈、Gino、JR
透過由嘉賓主持所演出的不同諧劇，向觀眾灌輸台灣法律，十分有娛樂性和啟發性。特別白雲和王彩樺更是節目中的常客兼台柱，有他們的集數，唔洗愁冇得笑!有次彩樺姐更帶她兩個女兒客串一下，白雲做一個有暴力爸爸，不停打王彩樺(只係劇情需要姐)，途中更播錯音樂，全場都笑翻天!

3. 哈林國民學校
主持：庾澄慶
由哈林當老師，帶領嘉賓玩不同遊戲，最喜愛項目是「數字題」同「歷史題」，前者係睇影片搵三個數字；後者係睇片估人，個人既樣貌係畀人打左格仔，嘉賓只能透過影片中的主角的造型和聲音去估主角係邊個，不少香港藝人都曾經係影片的其中一個主角，最深印象的當然是估哈林哥的妻子伊能靜(節目播出時二人尚未離婚)。

4. 百萬大歌星
主持：庾澄慶
完全係以音樂行先的遊戲節目，但同時亦富有娛樂性，嘉賓一路唱歌，一路到音樂停了，就接下一句歌詞，有時候嘉賓想不到下一句歌詞，便會胡亂堆砌成一句歌詞，若有歌手正值演唱會宣傳期，也會利用歌詞趁機宣傳一下，好搞笑!

5. 頂尖對決
主持：徐乃麟、林奇葳
唯一一個係畀觀眾玩的遊戲節目，先請4位家庭觀眾答問題，最高分可以同衛冕者玩，第二高分就係「大老二」，可以係下一集再玩。好有益智性，學到好多日常生活既小知識，有時候參賽者解釋點解揀果個答案都幾啼笑皆非下架。同埋鍾意睇既原因係香港已經冇乜可以畀家庭觀眾玩既遊戲節目啦，香港對上一個呢d畀觀眾玩既節目好似係02-03年由旦哥主持《智在必得 》。

6. 天才衝衝衝
主持：徐乃麟、曾國城、艾利絲、小嫻
係我看過收費台節目中最好的一個，有d環節同獎門人有D相似，不過呢度就搞笑得多啦，簡單d以講英文叫人估個part，香港果班係唔係都亂咁拋一堆字出來，有陣時根本係講中文耍讀歪少少就當英文講，冇d體育精神；反觀台灣人玩同一個項目，佢地顯然好得多，起碼都真係句句都係英文(當然文法唔係好岩啦XD)，至少佢地有唔會走去偷睇答案同咁易放棄(因為冇得飛題XD)，同埋佢地瞎拼拼音真的好犀利，呢樣野真係香港節目做唔到(因為廣東話好難好似佢地咁玩)。另外，我好喜歡看「誰是老鼠屎」，看他們掰歌真係笑死我，新開既手語版也不錯呀!

總括來講，香港d綜藝節目真係可以停播啦，成日剩係識得玩埋d三級遊戲，以上d台灣節目都冇一part好似《獎門人》咁色情既，都唔明點解可以長做長有，仲要回歸添喎，真係懷疑呢個咩世界，d觀眾口味都可以咁低，咁都話好睇?!我覺得近排睇得上眼既，得《千奇百趣香港地》咋!

接著，會寫一寫台灣主持，敬請留意!