今日放學之後，本來睇阿蘭有份落場打既籃球比賽，我覺得自己一個人睇又好似好悶，所以我搵埋阿娟同楊書敏同我一齊睇，但佢地要先去買聽日上家政d嘢，所以佢地要遲少少先睇比賽。而我，先係綠色長枱做一陣功課，然後自己再攞張chair埋去籃球場睇比賽。但係......................

我坐在無幾耐，wilson突然間問我:「你係咪紅社架?」

我:「係!」

wilson:「你可唔可以落場打波，因為我地唔夠人呀!」

我:「吓!但我冇衫喎!」

wilson:「唔緊要，我地有衫，快d入更衣室換咗佢!」

(入到更衣室，換咗PE衫，着好對鞋，就出去)

大約5分鐘之後，到我地出場，出場前老師同我地祈禱。

出場啦!我地不停跑來跑去，為咗個籃球，我地呢班女仔，不斷撞來撞去，好似要爭到籃球先心息。我地紅社有個女仔，雖然，我比佢高少少，但佢既戰術好有效，而且籃球技術好好，但係一落到場，就連續被人撞到跌低。到咗中場休息，我地個個女仔都開始頂唔順，個女仔成個人瞓係地下，似乎真係唔得，跟着，我地幫佢鬆吓d筋骨，之後，我地再打。

終於完場啦!好熱呀，我嗱嗱聲除番d衫出來，我成塊面都紅晒，之後，阿娟同楊書敏返咗嚟，問我:「點解你場塊面咁紅架?你頭先先去咗邊?」我慢慢回答佢地既問題。之後，阿蘭個場比賽。

最後，我同阿娟一齊返屋企，臨走之前，wilson問我:「4月4號有決賽，你來唔來呀?」

我:「我未知得唔得喎!」

wilson:「如果唔得你要早一星期通知我!我現家當你ok!」

我:「哦!」

我身旁既楊書敏問:「4月4號係星期幾?」，我知wilson係咪聽到，佢話:「應該係.............星期..........二!」

真係好笑~

P.S (件PE衫唔係我既，鞋同衫我都唔知係邊個，但條褲係wilson既!)