今日訓到1點先起身，本來今日去姑媽屋企過冬既，但姑媽病咗，所以平安夜先過，今日既行程就變咗去購物節 & 美食嘉年華。

同阿媽搭962去灣仔，之後就到咗場地啦，坦白講，個購物節真係冇咩野好行架，反而個美食節就好多人喎，嘩!香腸、雞仔餅、砵仔糕、魚蛋....應有盡有，正呀!阿媽仲買咗4件馬豆糕、2件砵仔糕、雞仔餅(三個字講晒:平、靚、正)~~

行咗陣之後，就同阿媽番屋企啦!但點知，行到出天橋，見到TVB架車喎，心諗唔係採訪就拍戲啦，果然不出我所料，真係有人o係度拍戲，邊個?康華囉~

之後就繼續行去巴士站搭巴士，但962條龍長到不得了，但咁岩有架960喎，唔理三七廿一啦，照上啦!番番黎屯門之後，去supermarket買咗包水餃，之後，搭輕鐵番屋企過冬囉~

今餐好豐富呀，有燒肉、水餃、湯、菜，Yummy~

P.S.今日仲有另外一個收穫，就係買咗一條$20既頸鏈，原價$25，但我成功地講咗價，減咗$5，所以話講價係女人既天性~