今日係羅羅生日，所以我9:00已經起咗身，洗面、刷牙、換衫..........................

10:15，我自己一個人行去豐景園輕鐵站等佢地，當我去到豐景園，個到已經有好多同學係度，(有梅梅、麥麥、李文傑、馮銘威、陳焯華、徐佩琪、吳啟然)但係全部都企係到，唔上車，

我問:「喂!點解仲唔上車呀?」

梅梅答:「未齊人呀?要有15個人先可以上車呀!!!」

我:「吓..........................」

跟住，呀嫂、Yuki、Holly、莊莊都陸續嚟到輕鐵站。等咗好耐，都冇其他人來，於是梅梅話:「好啦!下一班車來到我地就上!」我地上咗架507之後，就到咗屯門碼頭。我地一落車，梅梅就話:「喂!快d上車啦，架615P就開啦!」於是我地個個都嗱嗱聲跑個去月台，終於全部人都成功上晒車，搭615P去羅羅屋企——新屯門中心。

落咗車，個個都先去商場打個轉，呀嫂同莊莊就去咗M記買野食;徐佩琪同馮銘威去櫃員機攞錢;其他人則四圍行。

不久，羅羅就叫我地上去佢屋企，個個都跟住佢行，行完一條樓梯，我地見到一個大洞，我地個個都跑過去睇，呢個時候，Holly問:「呢個係唔係泳池嚟?」我地行近d睇，完來係一個大鐵絲網。

之後我地又見到個公園，我地唔知係咪太耐無玩，一個二個都即刻跑過去玩，好好玩，有一種以前細路哥既童真感覺。玩完一輪，我地就上羅羅屋企。

上到去，我地梗係立刻睇吓羅羅既書房同睡房啦，我地去到羅羅既書房，裡面有一把風扇、一部電腦、一個櫃、一張書枱、幾張凳等。張書枱上面有好多書，有英文、中文、數學.............。之後馮銘威開咗部電腦，有電腦玩，大家自自然都排晒隊等玩啦;另一邊廂，呀嫂、莊莊、吳啟然就係客廳食野。

不久，我地就落去落下公園租單車，我地去到單車鋪，個單車負責人話:「一部單車$13，但係要租單車，就要擺低學生證。」當時，個個諗住嚟玩，又點會帶學生證出街呀!不過，當中都有d同學有帶學生證，而我因為有帶學生證，所以要擺低我張學生證，我就同李文傑，一齊租車，但佢又帶唔夠錢，所以我就出埋佢個份。

玩咗一陣，我望吓部手機，已經1:04，我因為有下場，唔能夠玩足全日，所以我要早走。咁我擺低咗架單車，諗住走，但我去到單車鋪，個老板同我講:

「咦!張單寫住你租2架車，仲有1架呢?」

「我要早走，所以我想擺低一架車先!」

「咁唔得!你一定要2架單車都攞返嚟架!」

「吓....咁我去搵返佢先!」

我終於搵到個男仔，但係租車時間仲未到，我問佢:「你仲玩唔玩?我要早走呀!」佢話:「我玩呀!」

所以我先交咗我自己個架車，等到夠鐘，攞返張學生證。

終於夠鐘，個男仔還咗車，我攞返張學生證，跟住走人。行行吓，突然間聽到電話鈴聲，我自己心諗:「我部手機既電話鈴聲唔係咁既噃!跟住我睇吓個袋，發現Holly部手機係我度，我唔記得俾返佢，我又跑返個去俾返部俾Holly，跟住，又跑去輕鐵站搭車去友愛邨。

到咗友愛邨，我又立刻跑過去阿思屋企，到咗佢屋企，就嗱嗱聲做project。我同阿思、阿娟、楊書敏同黃雯艷不停做、不停做.....約6:00，大家都各自回家，我本來想返去羅羅屋企繼續玩，但由於自己既八達通已經冇晒錢，唯有行路返屋企。

P.S. 我成日都未食個正餐!!!(除咗晚餐)