今日本來同阿媽去中環一間海運茶餐廳，睇一個名為「膠情不淺」的展覽，會展出一d七、八十年代嘅塑膠製品，好似紅A書喼、豬仔錢罌等。聽起來好似好得意，但總會有d人認為，搭車過海睇呢d嘢，會唔會無聊咗d?咁其實呢d野，各人有唔同嘅睇法啫，我認為值得，因為呢d塑膠製品，宜家已經唔會再有，咁既然有機會去睇，點解唔去啫?所以我就同阿媽搭962過去。

去到果度，我同阿媽行咗好幾條天橋，終於都到咗間茶餐廳啦!但個展覽又唔係想像中咁，佢只係將d展品，擺在喺茶餐廳門外一個櫃度，都幾求其下，但都總算完成咗我心願啦!(因為今日係最後一日展覽)

之後，阿媽就帶我去番頭先行入嚟個陣嘅「蘭芳園」度食嘢。

入到去，見到都好多人，幾好生意下，阿媽話一定要試下呢度嘅奶茶，咁我就同阿媽叫咗一杯奶茶、一份油多同一個豬扒飽。

估唔到，其實我本身好少飲奶茶，因為有陣時要落好多糖先得落，但今次唔係落咗好多糖，而且係好飲，又香又滑;而油多都好味，但都係豬扒飽好味d，但唔係好鍾意d沙律醬。

之後阿媽話既然一場嚟到，不如去買泰昌餅家嘅蛋撻(港督彭定康親自去買果間)，再行埋附近嘅「孫中山紀念館」，心諗:反正都無地方去，是但啦!

首先我地去到「泰昌餅家」，買兩個蛋撻，然後沿住一條叫「孫中山史蹟徑」，行去「孫中山紀念館」，但途中發生咗一條小插曲，我地行到落樓梯個陣，先發現原來我地行過咗孫中山紀念館，要行番上條樓梯，真係呀~

好啦!幾經辛苦，終於到咗啦，我同阿媽就行入去啦，但宜家先發現原來要俾錢架，不過好彩，我係學生有優惠價，所以只需要$15就可以同阿媽一齊入去啦!

之後，我同阿媽去搭天星去尖沙咀，但就咁岩呢個時候落雨，但唔緊要，我同阿媽都照去。由於阿媽同我都係第一次去新天星碼頭搭天星小輪，所以行咗好耐先搵到個碼頭，搬得好遠呀!鳴鳴/_\

我地之後再搭巴士去信和，本來諗住買d碟，但可惜又冇，但阿媽就買咗3隻VCD，但最後，我都有收穫，就係………19樓半個劇D相呀XD~~~