今日係家長日啦!2:00先到我，所以我同阿媽1:40先出門口。

去到學校門口，一隊女童軍，分開兩排，向入嚟既家長敬禮，之後，有d高form既學姐，就叫我地行上去啦!點知，行到上去一樓，又有個學姐話可以搭升降機喎!真係....

之後，我同阿媽，仲有d不知明既家長一齊搭升降機啦!搭到去2樓，又有3個老師走入黎。

好啦!到咗4樓啦，條走廊除咗Mr.Yeung同一位唔知咩sir之外，就咩都冇啦!我同阿媽就行去我個班房，但奇怪，班房裡面剩係羅sir同麥俊輝同佢爸爸，Miss鍾呢?

之後，我就冇理度，同阿媽坐o係出面，無幾耐，果個阿sir就拎咗一張紙俾我阿媽填，係我d生活習慣!填完之後，Miss鍾就番嚟啦!

我同阿媽行入班房，因為得一張椅，所以我要去拎多張椅，之後就開始見家長啦。

開頭都係講果d野啦，之後Miss.鍾就俾張成績表我啦!我一睇，Yeah!全部合格之餘，仲係全班第四呀!好開心呀!Miss鍾話我上堂表現好，所以評語都好好!不過就奇怪，音樂竟然拎全級第一呀!真係一件難以相信既事!之後羅sir又行過嚟，一齊講下我o係學校點!

見完之後，媽媽就同我番屋企lu。