之前果d日子，除左做功課之外，就係不停睇同聽「森美小儀歌劇團」既野，《十九樓半的夏天》、《大衛營》同《早安啊!曼克頓》，但大家發唔發覺，上述呢三套劇，睇起來就係三套劇，但其實佢地都有一個共通點架!你地知唔知係咩呀?一般人都會話:「三套劇都有森美同小儀份囉!」。係!呢一點係不得不承應既，但唔係呢個!估唔到呢?再俾大家一個貼士啦!同套劇既演員有關既!估到未呢?估到既朋友，請留言!估唔到既朋友，請繼續估!好!繼續寫日記!

今日做做下功課，突然間心血來潮，想踩單車出去置樂，但可惜，架單車冇氣呀~~~

冇單車踩既辦法下，唯有最原始同最慳既方法，就係……行路。哈哈~

一路行去置樂既時候，我自己就不停聽緊「一家團聚雜菜煲」，呢種feel好正!好似有一大班人o係屋村又唱又跳咁~

行到去置樂，見到有間新開既VCD舖，就行左入去睇，睇下有冇我想搵既野，睇左兩眼，發現冇，於是就繼續行。行左去醉樂睇，但都係冇，跟住想行去巷仔果度睇下既，但佢又冇開呀!

本應諗住行多陣就番去，但點知阿媽阿爸佢地會要黎買餸喎!叫我同佢地一齊行，心諗自己又冇野做，就是但啦!於是我o係M記門口等佢地黎，等佢地既同時，我就o係度聽「十九樓的另一半」，超正~

過左陣，佢地就到左啦，我同佢地行左去市中心，行完之後，就行番置樂果條路番屋企。

行行下個陣，又經過新開果間VCD舖，阿媽想行入去睇下，咁我又陪佢去睇啦!之後，我叫阿媽幫我問下人，有冇《早安啊!曼克頓!》隻碟啦!本來自己都預左又食白果，但點知個人話有喎!真係令我喜出望外呀!佢唔單止有果隻碟呀，仲超平呀!$28蚊咋!我見咁抵，咁就梗係買啦!個人話買剩兩盒，我又諗起我朋友都想要喎!於是我就買晒兩盒，佢又得睇之餘，我又有得睇。好開心呀!

之後，我就拎住兩盒《早安啊!曼克頓!》番屋企lu!

P.S頭先既問題，只要有一個人或以上o係我個板度留言既，我就會講答案~