今日1:00鐘就返咗學校作綵排，我揹着背囊行返去學校，上到禮堂，d人仲係到做緊自己野，無幾耐，我地又開始綵排，唉!我都唔知點解劇務d演技仲係咁，梗係做唔到一個牆頭草既性格出黎，不過，好明顯今日俾以往綵排個陣好左d!

排到差唔多3:00，我地就執好d野離開學校，去荃灣大會堂表演。出到學校，我地就搭61M去荃灣，跟住，我地又行天橋去荃灣大會堂，到左之後，我地又要即刻上文娛廳作總綵排。今日有5個單位表演，有我間學校「新生命教育協會平安福音中學」、「聖公會呂明才中學」、「三歲定八十」、「老人中心」，而演出劇目就有:《生日快樂》、《Good Show》、《助人為快樂之本》、《戲》同埋《一屋三把口》。

綵排個陣，大至上都ok，但燈光方面就麻煩左d，因為次次講緊野個陣，d燈光唔係太光，就係完全熄晒，攬到我地唔知點算好!好啦!總綵排完左之後，我地就叫外賣，叫完之後就化妝、set頭、換衫，因為時間好緊逼，我地綵排完都已經6:00啦，7:15已經開始有人入場，所以要係呢段時間內，要set好晒頭、化好晒妝、換好晒衫同埋要食飯，根本係唔夠時間架!但都冇辦法啦!

終於係開show之前，已經攪掂晒d野啦!我地跟住就坐係觀眾席度睇表演，因為我地係第4隊表演既，所以睇完第2隊表演之後，就要入番去後台stand by!

睇第2隊表演個陣，真係覺得好好笑，個男人紮辮之餘，又係度搔首弄姿，勁攪笑~XDD

等左好耐，終於到我地表演啦，我地等個幕拉開之後，就開始表演啦!到左最後一場個陣，原本阿菁喊個幕播個段音樂，竟然播左「香港小姐」個段音樂，真係......不過導演識執生，即刻嗌cut，好彩姐!

到所有表演都完晒個陣，就開始進行投票，我自己梗係投番自己啦!就算全場冇人投我，我自己都有一票呀!哈哈!男演員方面，我投左廖仔，因為佢綵排個陣，真係有下過苦功!當然，有下過苦功既，唔止佢一個!

到宣佈得票最高既3個，我地劇社主席就係最受歡迎男演員之一，雖然都係輸左，但都證明佢係觀眾心目中既演技係得既!

之後，我就同媽媽、爸爸同一個drama club既同學一齊搭西鐵返去三聖村。